On.ge-ს სტატიის რესპონდენტ გოგა ხუციშვილს, რომელიც ორსართულიან კორპუსში ლიფტისა და პანდუსის არარსებობის გამო ნახევარ წელზე მეტია გარეთ ვერ გადის, სამგორის გამგეობამ ალტერნატიული ფართი შესთავაზა.

გოგას ცოლის, ნათია ლომიძის თქმით, მათთან მერიის წარმომადგენელი კიდევ ერთხელ მივიდა და ალტერნატივად პირველსართულიანი ბინის მოძებნა შესთავაზა, რომლის ქირასაც მერია დაფარავს.

"დღეს იყო მოსული გამგებელი. აგვიხსნა, რომ სტანდარტულ კიბეს ვერ დააყენებენ ვერანაირად და გვითხრა, რომ გარედან ლიფტის დაყენება შეიძლება, თუმცა ჩვენი მხრიდან თანხის თანამონაწილეობაა საჭირო, ან ალტერნატივად შემოგვთავაზა მოვძებნოთ ბინა პირველ სართულზე და გვითხრეს რომ ქირის საფასურს გამგეობა დააფინანსებდა", — ამბობს ნათია ლომიძე.

34 წლის გოგა ხუციშვილი მერვე თვეა გარეთ, ეზოში ვერ ჩადის. ის დამოუკიდებლად ვერ გადაადგილდება, ხოლო იმის გამო, რომ სადარბაზოში არც ლიფტია და არც პანდუსი, დახმარებას ვერც ცოლი ახერხებს.

გოგა On.ge-ს თავად დაუკავშირდა — ერთ-ერთი Facebook ლაივის კომენტარში დაწერა, რომ მედიის დახმარება სჭირდება. საუბარი უჭირს, ამიტომ ინტერვიუს პროცესში, ძირითადად, მისი ცოლი, ნათია ლომიძე იყო ჩართული.

გოგას პრობლემის შესახებ სამგორის რაიონის გამგეობას 28 აპრილს მივმართეთ, სადაც გვითხრეს, რომ პანდუსის მოწყობა შეუძლებელია და რომ ალტერნატიული გზით მოგვარების საკითხზე აქტიური მუშაობა მიმდინარეობდა.

გაიგეთ მეტი: