27 თებერვლიდან 2 მარტამდე ბარსელონაში World Mobile Congress გაიმართება, რომელზეც მობილური ტელეფონების მწარმოებელი კომპანიებისგან უამრავ სიახლეს ელიან.

ერთ-ერთი სმარტფონი, რომელსაც მსოფლიო ტექ-ინდუსტრია სულმოუთქმელად ელის, Huawei P10-ია. სწორედ ამ მოწყობილობის ფოტოები გავრცელდა ინტერნეტში კონგრესის დაწყებამდე რამდენიმე დღით ადრე.

როგორც ჩანს, წინა მოდელისგან განსხვავებით, თითის ანაბეჭდის სენსორი Huawei-მ წინ გადმოიტანა, ე.წ. Home ღილაკზე. გავრცელებული ინფორმაციის მიხედვით, ყველა სხვა მწარმოებელი სმარტფონების წინა ღილაკებზე უარს ამბობს და მის ხარჯზე ეკრანის გაფართოებას აპირებს, ხოლო Huawei ტენდენციას არ აჰყოლია.

Huawei P10 ბაზარზე ოფიციალურად 26 თებერვალს გამოვა.