BMW-ს საბჭოს დირექტორის, პიტერ შვარცენბაუერის აზრით, თვითმართული ავტომობილების ინდუსტრიას კანონმდებლობა, ტექნოლოგიური სირთულეები და რეგულაციები ხელს ვერ შეუშლის.

"ამ შემთხვევაში მთავარი პრობლემა ფსიქოლოგიური ბარიერია. როგორ ვაგრძნობინოთ და დავარწმუნოთ ადამიანები, რომ ხელოვნური ინტელექტის მიერ მართული მანქანები უსაფრთხოა? ამ ტექნოლოგიის განვითარებას კანონებსა და რეგულაციებზე მეტად ეს საკითხი უშლის ხელს," ამბობს შვარცენბაუერი Dazeen-თან საუბარში.

მისივე თქმით, BMW ფსიქოლოგებთან უკვე მუშაობს, რათა იპოვოს გამოსავალი და ადამიანებს შიში და საფრთხის შეგრძნება მოუხსნან:

"თვითმართულმა მანქანებმა მგზავრებთან ურთიერთობა უნდა დაამყარონ და დაარწმუნონ, რომ საფრთხე არ ემუქრებათ."