ეროვნული ვალუტა დოლათან მიმართებით კვლავ გაუფასურდა. დღევანდელი ვაჭრობის შედეგად დადგენილი კურსის მიხედვით, ერთი დოლარის ღირებულებამ 3,4548 ლარი შეადგინა, რაც 0,14 თეთრით გაუფასურებას ნიშნავს — ეს ლარისთვის მიმდინარე წლის ანტირეკორდია.

რაც შეეხება ევროსთან მიმართებას, გუშინდელი გაუფასურების შემდეგ, ლარი აღნიშნულ ვალუტასთან 0,38 თეთრით გამყარდა და ერთი ევროს ღირებულება 4,1727 ლარს გაუტოლდა.

აღსანიშნავია, რომ წლის დასაწყისში არსებულ კურსთან შედარებით, ლარი დოლართან მიმართებით 17,82 თეთრით, ხოლო ევროსთან — 14,94 თეთრით არის გაუფასურებული.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს შვიდი სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი 22 აპრილს შედგა, სადაც ეროვნული ბანკმა 30 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, 28 აპრილს შევა ძალაში.