მოსკოვის პროკურატურამ რუსი ოპოზიციონერის, ალექსეი ნავალნის შტაბების საქმიანობა შეაჩერა. ამასთან, უწყება კორუფციასთან ბრძოლის ფონდის საქმიანობის შეჩერებასაც მოითხოვს. ინფორმაციას ამის შესახებ BBC-ის რუსული სამსახური ავრცელებს.

ეს ნიშნავს, რომ შტატები და ფონდი, რომელსაც უცხო ქვეყნის აგენტის სტატუსი აქვს, ვერ დაგეგმავენ აქციებს, ვერ მიიღებენ მონაწილეობას არჩევნებში, ასევე, ვერ ისარგებლებენ საბანკო დეპოზიტებით, გარდა ჯარიმებისა და გასავალის დაფარვისა.

2020 წლის ზაფხულში ნავალნიმ კორუფციასთან ბრძოლის ფონდის ლიკვიდაცია გამოაცხადა და ის სხვა იურიდიულ პირზე — ადამიანის უფლებათა დაცვის ფონდზე გადააქვს. ამასთან, ნავალნის შტაბები საზოგადობრივი მოძრაობებია და მისი საქმიანობის შეჩერების გადაწყვეტილება პროკურატურამ მიიღო. რაც შეეხება ორგანიზაციებს, მათზე სასამართლომ უნდა იმსჯელოს.

მოსკოვის პროკურატურამ სასამართლოს 16 აპრილს მიმართა, რათა ექსტრემისტულად გამოაცხადოს ორგანიზაციები, რომლებიც ალექსეი ნავალნისთან არის კავშირში. სარჩელის განხილვა 26 აპრილს დაიწყო.

სასამართლო პროცესები დახურულ ფორმატში მიმდინარეობს, რადგან მასალებს გრიფიტ საიდუმლო სტატუსი აქვთ მინიჭებული.