Microsoft-ის დამფუძნებელი, მილიარდერი ბილ გეიტსი Quartz-თან ინტერვიუში ამბობს, რომ რობოტებზე გადასახადი უნდა დაწესდეს.

წარმოებისა და სხვადასხვა სამუშაოების ავტომატიზაციის შედეგად ადამიანებმა უკვე დაკარგეს სამსახურები და მომავალში კიდევ უფრო მეტი მუშახელი ჩანაცვლდება რობოტებით, რაც ერთის მხრივ პროგრესის მაჩვენებელია, ხოლო მეორეს მხრივ სოციალურ ფონს დაეტყობა. არსებობს ვარაუდი, რომ ავტომატიზაციამ შეიძლება სრულიად მოსპოს საშუალო კლასი.

ბილ გეიტსის თქმით, მას ესმის, რომ გადასახადების დაწესებამ შესაძლოა შეანელოს ინოვაცია და პროგრესი, რადგან რობოტები გაძვირდება, მაგრამ დროა სახელმწიფოებმა გარკვეული პოლიტიკის დანერგვა უკვე დაიწყონ და გადასახადით შემოსული თანხები ადამიანების გადამზადებას მოახმარონ.