საქართველოს პრემიერ-მინისტრის, გიორგი კვირიკაშვილის განცხადებით, ციანიდის საქმეზე გამოძიების მასალები ეკლესიისადმი ნდობის შესანარჩუნებლად არ ქვეყნდება. ამის შესახებ კვირიკაშვილმა ტელეკომპანია იმედის ეთერში ისაუბრა:

"გამომდინარე საქართველოს ეკლესიის, როგორც სახელმწიფოებრიობის უმნიშვნელოვანესი ინსტიტუციისადმი ნდობის შენარჩუნების კუთხით და ასევე, ჩვენთვის უმნიშვნელოვანესია ეკლესიის ერთიანობა, ჩვენ მაქსიმალურად დღემდე ვცდილობთ თავი შევიკავოთ გამოძიების მასალების გამოქვყნებისგან. ამას, ასევე, ვაკეთებთ გამოძიებისა და უსაფრთხოების ინტერესებიდან გამომდინარე."

პრემიერი თქმით, ხელისუფლება ილია მეორეს გაუფრთხილდა და დეკანოზ გიორგი მამალაძის დაკავების შესახებ ინფორმაცია ოპერაციის წინა დღეს ამიტომ არ გამოაქვეყნა:

"ჩვენ პატრიარქის ოპერაციის წინა დღეს მაქსიმალურად გავუფრთხილდით პატრიქრს. არ გინდოდა მისი აღელვება და თავი შევიკავეთ დაკავების ინფორმაციის გამოქყვენებისგან. სამწუხაროდ ასე არ მოიქცა ერთ-ერთი მედია საშუალება, რომელმაც გამოაქვეყნა ეს ინფორმაცია და ჩვენ მოგვიწია შემდეგ მოპასუხის რეჟიმში ყოფნა და ამ პირობებშიც ჩვენ თავი შევიკავეთ გამოძიების მასალების გამოქვეყნებისგან."

2017 წლის 10 თებერვალს, პროკურატურამ დეკანოზი გიორგი მამალაძე დააკავა. უწყების მტკიცებით, გიორგი მამალაძე აპირებდა გერმანიაში გამგზავრებას, სადაც პატრიარქი იმყოფებოდა სამკურნალოდ. პროკურატურის განცხადებით, უცნობმა პირმა მიმართა პროკურატურას და მიუთითა, რომ მამალაძეს უნდა მოეხდინა მაღალი იერარქიის სასულიერო პირის სიცოცხლის ხელყოფა.

გაიგეთ მეტი: ციანიდის საქმე