ევროკავშირის წარმომადგენლობის ოფისში შეხვედრის უშედეგოდ დასრულების შემდეგ ქართული ოცნების წევრები ამბობენ, რომ ნაციონალური მოძრაობის თავმდჯომარეს, ნიკა მელიას ამნისტიის შესახებ კანონი გირაოს გადახდის შემდეგ შეეხებოდა.

ევროპული საბჭოს პრეზიდენტის წარმომადგენლის, კრისტიან დანიელსონის მიერ გამოქვეყნებული დოკუმენტის თანახმად, პარლამენტს უნდა წარდგენოდა ამნისტიის შესახებ კანონი, რომელიც 2019 წლის 19-21 ივნისის პროტესტებთან დაკავშირებულ ყველა დარღვევასა და დაკავებას შეეხებოდა.

"ერთ-ერთი შენიშვნა, რაც ჩვენ გავახმოვანეთ, იყო ის, რომ დაგვეზუსტებინა, რომ ეს ამნისტია ნიკანორ მელიასაც შეხებოდა მას შემდეგ, რაც გირაო იქნებოდა გადახიდლი", — აღნიშნა ქართული ოცნების თავმჯდომარემ, კობახიძემ.

"იმ შენიშვნის გარდა, რაზეც ბატონმა კობახიძემ ისაუბრა, აქ, ერთ-ერთი შენივშნა, რომელიც ჩვენ დავურთეთ ტექსტს, რათა ამაზე ყოფილიყო მკაფიო ჩანაწერი, დავაზუსტეთ, რომ ამნისტია, რომელიც 20 ივნისის მოვლენების დროს ჩადენილ დანაშაულებს შეეხებოდა, ასევე, შეეხებოდა ნიკანორ მელიას იმის გათვალისწინებით, რომ ის პასუხისგებაში მიეცა, მას შეეფარდა პატიმრობა. გირაო იქნებოდა გადახდილი იმის ნიშნად, რომ მეორე მხარე პატივს სცემს კანონის უზენაესობას. ამ შემთხვევაში ჩვენ კომპრომისული და კონსტრუქციული პოზიცია გვქონდა ამნისტიასთან დაკავშირებით", — თქვა ასევე პარლამენტის თავმჯდომარემ, არჩილ თალაკვაძემ.

ქართული ოცნება და ოპოზიცია ისევ ვერ შეთანხმდნენ. მათ ევროპული საბჭოს პრეზიდენტის შარლ მიშელის წარმომადგენლის, კრისტიან დანიელსონის მიერ შეთავაზებულ დოკუმენტს ხელი არ მოაწერეს.

დანიელსონის მედიაციით მხარეებს შორის შეხვედრა 17:00 საათზე დაიწყო. ის საქართველოში მეორედ 27 მარტს ჩამოვიდა. 28 მარტს საქართველოში ევროკავშირისა და ამერიკის შეერთებული შტატების ელჩსა და არასამთავრობო სექტორის წარმომადგენლებს, ხოლო 29 მარტს პოლიტიკურ პარტიებს ინდივიდუალურ ფორმატში შეხვდა.

ამავე თემაზე: