ქართული ოცნების თავმჯდომარის, ირაკლი კობახიძის განცხადებით, "რადიკალურ პარტიებს" შორის იყო გირჩი — მეტი თავისუფლებაც, რომელსაც, მისი თქმით, "არაფერი სცხია თავისუფლების". ასე უპასუხა მან ჟურნალისტების კითხვას იმის შესახებ, ყველა პარტიას ჰქონდა თუ არა ერთნაირი პოზიცია კრისტიან დანიელსონის დოკუმენტთან დაკავშირებით. სხვა "რადიკალურ პარტიებს" შორის, ტრადიციულად, კობახიძე ასახელებს, ენმ-ს, ევროპულ საქართველოსა და ლელოს.

"პოზიციები იყო ორად გაყოფილი. ვიცით, რომ არის ოპოზიციის რადიკალური ნაწილი, ეს არის ძირითადად გამოხატული, თუ არ ვცდები, სამ პარტიაში: ნაციონალური მოძრაობა, ევროპული საქართველო და ლელო. ეს არის სამი მკვეთრად გამოხატული რადიკალური პარტია. სხვებს ჰქონდათ მეტ-ნაკლებად დაბალანსებული და კონსტრუქციული პოზიციები. და დამავიწყდა გირჩი მეტი თავისუფლება, რომელსაც არაფერი სცხია თავისუფლების, ეს შემიძლია გითხრათ", — განაცხადა კობახიძემ.

ქართული ოცნება და ოპოზიცია ისევ ვერ შეთანხმდნენ. მათ ევროპული საბჭოს პრეზიდენტის შარლ მიშელის წარმომადგენლის, კრისტიან დანიელსონის მიერ შეთავაზებულ დოკუმენტს ხელი არ მოაწერეს.