სახალხო დამცველი ნინო ლომჯარია პირდაპირ ეთერში აიცრა. რესპუბლიკურ საავადმყოფოში მან AstraZeneca-ს ვაქცინა გაიკეთა.

"ცოტა მტკივნეულია, მაგრამ გასაძლებია", — განაცხადა მან ვაქცინის გაკეთების შემდეგ. დამატებით კომენტარს მედიასთან ის მოგვიანებით გააკეთებს.

ლომჯარია კლინიკაში კიდევ 45 წუთი დარჩება. ახალი პროტოკოლით, ვაქცინირებულ პაციენტს ამ დროს ექიმები აკვირდებიან.

AstraZeneca-ს ვაქცინით უკვე ასეულობით ადამიანი აიცრა. ვაქცინაციის პოპულარიზაციის მიზნით აცრას იკეთებენ ცნობილი ადამიანები, პოლიტიკოსები, საჯარო პირები.