დაავადებათ კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის საწინააღმდეგო ვაქცინაციის დროს 27 წლის მედდის გარდაცვალების გარდა, არ დაფიქსირებულა.

"მძიმე გართულებები არ ყოფილა მსგავსი ტრაგიკული შემთხვევის გარდა. მეორე შემთხვევაზე კლინიკამ დაწერა ანაფილაქსიური შოკი, მაგრამ ვფიქრობ, ის იყო მწვავე ალერგიული რეაქცია და ამას იშგამის კომიტეტი განიხილავს, რამდენად შოკი იყო თუ არ იყო კარგად ბრძანდება ის ქალი", — განაცხადა გამყრელიძემ.

Pfizer-ის ვაქცინის 29 250 დოზა საქართველოში 25 მარტს გამთენიისას ჩამოიტანეს. ამიერიდან მოქალაქეებს კორონავირუსის საწინააღმდეგო აცრის ჩატარება ორი, AstraZeneca-სა და Pfizer-ს შორის არჩევანის გაკეთებით შეეძლებათ.

ჯანდაცვის მინისტრის მოადგილის, თამარ გაბუნიას განცხადებით, ფაიზერის ვაქცინა რიგის დაჯავშნის პორტალზე 25 მარტის საღამოს საათებიდან აისახება, ვაქცინაცია კი 30 მარტიდან დაიწყება.

მისივე თქმით, აცრაზე საყოველთაო რეგისტრაცია, სავარაუდოდ, აპრილის შუა რიცხვებამდე დაიწყება, თუმცა, მისივე თქმით, ეს არ ნიშნავს, რომ საყოველთაო რეგისტრაციის სიაში მყოფ ადამიანს ვაქცინას მაშინვე შესთავაზებენ.

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო. ჯანდაცვის მინისტრის, ეკატერინე ტიკარაძის განცხადებით, ვაქცინაციის პროცესში 65 წელს ზევით მოქალაქეებიც 25 მარტიდან ჩაერთვებიან.

მინისტრის მოადგილე, თამარ გაბუნიამ კი არ გამორცხავს, რომ ვაქცინაციის პროცესში ჩართვის შესაძლებლობა ახალ ჯგუფს — 55 წლის ზევით ასაკის მოქალაქეებსაც მისცენ.