ჩრდილოეთ კორეამ იაპონიის ზღვაში ორი ბალისტიკური რაკეტა გაუშვა. რაკეტების გაშვება იაპონიის, სამხრეთ კორეისა და აშშ-ს სამხედროებმა დააფიქსირეს. ბოლო ერთი წლის განმავლობაში ეს ჩრდილოეთ კორეის მიერ ბალისტიკური რაკეტების პირველი გამოცდაა.

ოფიციალური ტოკიოს ინფორმაციით, რაკეტებმა 100 კილომეტრის სიმაღლეზე 450 კილომეტრი გაიფრინეს და იაპონიის ტერიტორიული წყლების გარეთ ჩამოვარდნენ.

რაკეტების გაშვების შედეგად რაიმე ზიანი არ დამდგარა, თუმცა იაპონიის პრემიერმინისტრმა ჩრდილოეთ კორეის ქმედებას გაეროს უშიშროების საბჭოს რეზოლუციის დარღვევად და რეგიონული უსაფრთხოების საფრთხედ შეაფასა.