ევროპული საბჭოს პრეზიდენტის, შარლ მიშელის განცხადებით, მიღწეული პროგრესის და მედიაციის პროცესის გასაგრძელებლად მისი წარმომადგენელი, კრისტიან დანიელსონი საქართველოში დაბრუნდება.

"საქართველოს მოქალაქეების ინტერესებისთვის საჭირო კომპრომისებზე წასვლის დროა", — წერს ის ტვიტერზე.

დღეს, 22 მარტს რადიო თავისუფლების ბრიუსელეის კორესპონდენტმა გაავრცელა ინფორმაცია, რომ ევროკავშირის მინისტრებმა კრისტიან დანიელსონის მისიის გაგრძელებას საქართველოში ძირითადად მხარი დაუჭირეს. ბრიუსელში ევროკავშირის საგარეო ურთიერთობათა საბჭოს სხდომა, ბლოკში შემავალი ყველა წევრი ქვეყნის საგარეო საქმეთა მინისტრების მონაწილეობით გაიმართა.

ევროპული საბჭოს პრეზიდენტის, შარლ მიშელის პირად წარმომადგენელ კრისტიან დანიელსონთან ქართული ოცნებისა და ოპოზიციის შეხვედრები უშედეგოდ დასრულდა. ბოლო შეხვედრა 10 საათი გრძელდებოდა.

დანიელსონი საქართველოში არსებული პოლიტიკური ვითარების განმუხტვის მიზნით მიშელის გადაწყვეტილებით ჩამოვიდა. შუამავლის საქართველოში მივლინება ევროკავშირის უმაღლეს წარმომადგენელ ჟოზეფ ბორელთან შეთანხმებით, საქართველოში ევროკავშირის მიერ მხარდაჭერილი შუამავლობისა და პოლიტიკური დიალოგის პროცესის ფარგლებში გადაწყდა.

გაიგეთ მეტი: