პოლიციამ ე.წ. ქურდული სამყაროს წევრობისა და გამოძალვის საქმეზე გარდაბანში ორი პირი დააკავა.

შინაგან საქმეთა სამინისტროს ინფორმაციით, ერთ-ერთი ბრალდებული საზღვარგარეთ მცხოვრები კრიმინალური ავტორიტეტის დავალებით მეორე ბრალდებულის შუამავლობით სისტემატურად უკავშირდებოდა თანასოფლელს და ოჯახის წევრების სიცოცხლის მოსპობისა და ჯანმრთელობის დაზიანების მუქარით "ქურდული სამყაროს" სასარგებლოდ თანხას სძალავდა.

უწყების ცნობით, საქმეზე გამოძიება სისხლის სამართლის კოდექსის 223-ე პრიმა მუხლით და 181-ე მუხლით მიმდინარეობს.