ჯიმ ქერის ერთ-ერთი საკულტო ფილმი — Ace Ventura ეკრანებს უბრუნდება. ფილმის მეორე ნაწილის — Ace Ventura: When Nature Calls გამოსვლიდან 26 წლის შემდეგ, Amazon Prime Video მესამე ნაწილის გადაღებას გეგმავს.

სიახლე ფრენჩაიზის მწარმოებელმა კომპანიამ, Morgan Creek Entertainment-მა გააჟღერა. კომპანიის წარმომადგენლების თქმით, ფილმის სცენარზე პეტ კეისი და ჯოშ მილერი იმუშავებენ, რომლთაც Sonic The Hedgehog-ის სცენარზეც ერთად იმუშავეს.

"კორონავირუსის დროს საყვარელი პერსონაჟების დანახვა შვებაა, ამიტომ მათი ახალი ამბების მოყოლა მნიშვნელოვანია", — აღნიშნეს Morgan Creek Entertainment-ში.

ჯერჯერობით უცნობია იმ მსახიობების ვინაობა, რომელთაც ფილმში ვიხილავთ. კომპანიის წარმომადგენლებს არც ის განუცხადებიათ ჯიმ ქერის ისევ მთავარ როლში ვიხილავთ თუ — არა.