მსოფლიო მთავრობების სამიტზე, რომელიც 12-14 თებერვალს დუბაიში გაიმართა, არაბეთის გაერთიანებული საამიროების გზებისა და ტრანსპორტის სამსახურის უფროსმა, მატარ ალ-ტაიერმა საზოგადოებას გაუმხილა, რომ ამ ზაფხულიდან დუბაის სტუმრებს ერთი ადგილიდან მეორემდე მისვლა თვითმართული დრონების საშუალებით შეეძლებათ.

Ehang 184 ჩინური წარმოების დრონია, რომელსაც ერთ დატენვაზე 48 კილომეტრის გავლა შეუძლია. ტრანსპორტი ერთ მგზავრს იტევს, რომლის წონაც 100 კილოგრამს არ უნდა აღემატებოდეს.

არაბეთის გაერთიანებული საამიროები 2030 წლისთვის მთლიანად თვითმართულ ტრანსპორტზე გადასვლას გეგმავს.

Ehang 184 აშშ-შიც ელოდება მთავრობის დასტურს, რათა იქაც დაიწყოს ოპერირება.