დაავადებათა კონტროლის ცენტრის დირექტორის, ამირან გამყრელიძის განცხადებით, დღეს შვიდ საათზე გაიმართება სხდომა, სადაც იმსჯელებენ შეჩერდება თუ არა ქვეყანაში ასტრაზენეკათი ვაქცინაცია. ამის მიზეზი შესაძლოა გახდეს ახალციხის შემთხვევა, სადაც ვაქცინირებულ ექთანს, სავარაუდოდ, ანაფილაქსიური შოკი ან ალერგიული რეაქცია განუვითარდა.

ამ შემთხვევის შესწავლა მიმდინარეობს. კითხვაზე, სანამ კვლევის შედეგებს მივიღებთ, იგეგმება თუ არა, ქვეყანაში დროებით მაინც შეჩერდეს AstraZeneca-თი ვაქცინაცია, გამყრელიძე პასუხობს:

"შვიდ საათზე იქნება სხდომა სამინისტროში იმუნიზაციის სამეცნიერო კომიტეტის, სადაც შედიან ჩვენი ცნობილი მეცნიერები და ექიმები, ასევე, იმუნიზაციის ექსპერტთა უსაფრთხოების საბჭოში, NCDC იღებს, რა თქმა უნდა, მონაწილეობას ამ შეხვედრაში და იქ იქნება განხილული და მიღებული გადაწყვეტილებები, მათ შორის საკითხთან, რომელსაც თქვენ მისვამთ", — განაცხადა მან.

ამავე თემაზე პარალელურად მიმდინარე ბრიფინგზე ისაუბრა ჯანდაცვის მინისტრის მოადგილემ, თამარ გაბუნიამ და აღნიშნა, რომ ისინი მიიღებენ გადაწყვეტილებას ვაქცინაციის შემდგომი პროცესის გაგრძელებისა და ფორმატის, ასევე, დროებით შეჩერების შესახებ.

"სტანდარტულად, როდესაც დგება სავარაუდო გვერდითი რეაქცია. ექსპერტების შეფასების საფუძველზე, თუ ეს არის მძიმე გვერდითი რეაქცია და ამ შემთვევაში მძიმე გვერდით რეაქციასთან გვაქვს საქმე, რადგა მან გამოიწვია ჰოსპიტალიზაცია და რეანიმაციული მკურნალობის აუცილებლობა. ამ შემთხვევაში, ვიდრე არ მოხდება შესწავლა შემთხვევის და მიზეზ-შედეგობრივი კავშირის გამოკვლევა, ექსპერტების ჯგუფი იმსჯელებე იმაზე, ხომ არ შეჩერდეს ვაქცინაციის პროცესი გარკვეული პერიოდით, ვიდრე არ დადგინდება", — განაცხადა მან.

გაბუნიამ აღიშნა ისიც, რომ ასტრაზენეკას ვაქცინას მსგავს გვერდით რეაქცია აქვს უკვე დაფიქსირებული — ბრიტანეთის მონაცემებით, 5 მილიონი შემთხვევიდან 41 იყო მსგავსი ანაფილაქსიური გვერდითი რეაქცია.

გარდა ამისა, გაბუნიას დაუსვეს კითხვა ანტივაქსერული დამოკიდებულებებისა და ამ ემთხვევის გამო ნდობის შესაძლო კლების შესახებ, რაზეც მან განაცხადა:

"ნდობა ისედაც მოსახლეობაში და სამედიცინ პერსონალში ვაქცინაციის პროცესის მიმართ მაღალი არ არის. ნებისმიერ შემთხვევაში ჩვენ უნდა გვახსოვდეს, რომ ვაქცინაციის რისკი მის სარგებელთა მიმართებაში ყოველთვის არის უფრო ნაკლები".

ბრიფინგზე ჯანდაცვის მინისტრის მოადგილემ და NCDC-ის დირექტორმა აღნიშნეს, რომ, შესაძლოა, ეს იყოს ვაქცინის გვერდითი ეფექტი, თუმცა ამის დასადგენად მიმდინარეობს კვლევა. მათივე თქმით, ექსპერტები იმსჯელებენ და შესაძლოა, რომ ასტრაზენეკათი ვაქცინაციის პროცესი შეჩერდეს.

გაბუნიამ აღიშნა ისიც, რომ ასტრაზენეკას ვაქცინას მსგავს გვერდით რეაქცია აქვს უკვე დაფიქსირებული — ბრიტანეთის მონაცემებით, 5 მილიონი შემთხვევიდან 41 იყო მსგავსი ანაფილაქსიური გვერდითი რეაქცია. მანვე აღნიშნა, რომ ვაქცინის რისკი მის სარგებელთან შედარებით ყოველთვის ნაკლებია.