"საყვედურების მოსმენას არ ვაპირებ", "ნუ აიღებთ ჩემი შემფასებლის როლს" — ტიკარაძე და გამყრელიძე On.ge-ს კითხვაზე
ჯანდაცვის მინისტრმა და NCDC-ის ხელმძღვანელმა On.ge-ს კითხვების პასუხად განაცხადეს, რომ საყვედურის მოსმენას არ აპირებენ და საქართველოს მოქალაქეები თავად შეაფასებენ, რამდენად ეფექტურად იმუშავა მათმა უწყებებმა. ეკატერინე ტიკარაძისა და ამირან გამყრელიძის გაღიზიანება გამოიწვია კითხვებმა, რა გააკეთეს მათ ანტივაქსერული კამპანიის წინააღმდეგ და რამდენად დროული იყო რეაგირება AstraZeneca-ზე გავრცელებული ინფორმაციის შემდეგ.
ამირან გამყრელიძე აცხადებს, რომ AstraZeneca-ს გამოყენების რამდენიმე ქვეყნის მიერ დროებით შეჩერება განგაშის საფუძველი არ არის, რადგან WHO-მ და ევროპის წამლის სააგენტომ თქვეს, რომ ეს ვაქცინა უსაფრთხოა. On.ge-ს კითხვაზე, როდის გაავრცელეს ამ თემაზე განცხადება და რა გააკეთეს საზოგადოებაში ეჭვების გასაფანტად, გამყრელიძე პასუხობს, რომ ინფორმაცია გაავრცელეს საერთაშორისო სამედიცინო უწყებებმა. დამაზუსტებელ კითხვაზე, რამდენმა ადამიანმა იცის საქართველოში ინგლისური, ვინ შეძლებდა ამის გაგებას და რამდენად ეფექტურად მუშაობენ უწყებები ის პასუხობს:
"ძალიან ბევრმა [იცის ინგლისური]. რამდენმა ქვეყანამ შეაჩერა? რამდენიმე ქვეყანამ შეაჩერა ხომ. თქვენ ძალიან გთხოვთ, ნუ აიღებთ ჩემი შემფასებლის როლს. ეს შეფასება, თუ რამდენად ეფექტურად მუშაობს NCDC და ჯანდაცვის სამინისტრო, ეს დავუტოვოთ საქართველოს მოსახლეობას".
ამავე კითხვაზე პასუხის გაცემის სურვილი გამოთქვა თავად მინისტრმაც და განაცხადა, რომ უწყებამ ინფორმაცია მიაწოდა ყველა მედიას, ვინც მათ დაუკავშირდა.
"ყველა მედიასაშუალებას, რომელიც დაუკავშირდა ჯანმრთელობის სამინისტროს, მიეწოდა ის განმარტებები, რომლებიც ჩვენ გვქონდა მიღებული მსოფლიო ჯანდაცვის ორგანიზაციის მხრიდან, ყველაფერი იყო თარგმნილი და მედია საშუალებებს თუ მიაქცევთ და მიადევნებთ თქვენც ყურადღებას, ნახავთ, რომ გუშინაც ვრცელდებოდა ინტენსიურად ის ინფორმაციები", — თქვა მან.
თუმცა, On.ge-ს ჟურნალისტის რეპლიკას იმის შესახებ, რომ მათი პრესსამსახური ხშირად ზარებს არ პასუხობს, ტიკარაძე ასე გამოეხმაურა:
"ახლა მე თქვენგან საყვედურების აქ მოსმენას თქვენგან ნამდვილად არ ვაპირებ. ძალიან გთხოვთ. მე არავინ არ დამიდანაშაულებია, მე, უბრალოდ, მოგიწოდეთ, რომ გაეცნოთ სხვა მედიასაშუალებებსაც".
მანვე აღნიშნა, რომ ჰქონდათ კომუნიკაცია შესაბამის საერთაშორისო ორგანიზაციებთან, რამდენიმე ევროპული ქვეყნის მხრიდან AstraZeneca-ს დაბრუნების მიზეზები გაარკვიეს და საქართველოში არ არის შემოსული იმ სერიული ნომრის ვაქცინები, რომელზეც კითხვები არსებობს.
"თუმცა იმ შემთხვევაში, თუ მსოფლიო ჯანდაცვის ორგანიზაცია მიიღებს გადაწყვეტილებას, რომ ზოგადად მსოფლიოში უნდა შეჩერდეს AstraZeneca-თი ვაქცინაცია, რა თქმა უნდა საქართველოც შეაჩერებს. ამ ეტაპზე ეს რისკები არის გადაზღვეული და არანაირი კითხვა ამ ვაქცინის ხარისხთან, სანდოობასთან და ზიანის მიყენებასთან არ არსებობს", — განაცხადა ტიკარაძემ.
გარდა ამისა, დღეს ტიკარაძემ და გამყრელიძემ სამედიცინო სფეროს წარმომადგენლებს ვაქცინაციის პროცესში აქტიური ჩართვისკენ მოუწოდეს. ამ დრომდე უწყებებს არ უწარმოებიათ აქტიური კამპანია ვაქცინის პოპულარიზაციისთვის და აცხადებენ, რომ ახლა აპირებენ "გააქტიურებას".
On.ge-ს კითხვაზე, რა გააკეთეს ანტივაქსერული მოწოდებების წინააღმდეგ, ჩატარდა თუ არა რაიმე კამპანია, თუ ეს მხოლოდ საჯარო გამოსვლები და ბრიფინგები იყო ამირან გამყრელიძე პასუხობს:
"ვაქცინაცია გახლავთ კაცობრიობის ყველაზე დიდი მონაპოვარი. საქართველო ბოლო 7 წლის განმავლობაში დანერგა 4 ახალი ვაქცინა და ეს არი მეხუთე, რომელიც ინერგება. ნებისმიერი ვაქცინის დანერგვის პერიოდში მიმდინარეობს სერიოზული საკომუნიკაციო კამპანია. თვითონ 1 წლის განმავლობაში ნებისმიერ ყველა გამოსვლაში საუბარია ბრიფინგებზე, სხვა გამოსვლებში, თუ რას ნიშნავს ვაქცინა, რას აკეთებს ვაქცინა, როგორ იცავს ის ადამიანის ჯანმრთელობას და ასე შემდეგ. ამიტომ, ეს კამპანია მუდმივად მიმდინარეობს. ახლა კიდევ უფრო მეტად გააქტიურდება ეს კამპანია.
სამედიცინო პერსონალმა საკმაოდ კარგად იცის ის სიკეთე, რაც მოაქვს ვაქცინაციას. დღეს უკვე აცრილია სამას მილიონზე მეტი ადამიანი [მსოფლიოში] და არცერთი ლეტალური შედეგი ვაქცინის შემდეგ არ არის გამოტანილი, მაშინ, როცა 120 მილიონი ადამიანი დაავადდა და სამწუხაროდ, 2,6 მილიონი ადამიანი გარდაიცვალა", — განაცხადა გამყრელიძემ.
AstraZeneca-ს ვაქცინის 43 200 დოზა საქართველოში დღეს დილით ჩამოიტანეს. ვაქცინაციის პროცესის დაწყება 15 მარტიდანაა დაგეგმილი
ჯანდაცვის მინისტრმა, ეკატერინე ტიკარაძემ 11 მარტს განაცხადა, რომ საწყის ეტაპზე აიცრება 43 200 ადამიანი და რადგან ეს ვაქცინა 2 დოზით კეთდება, მეორე დოზას აცრილები გაიკეთებენ მაშინ, როცა დამატებითიც შემოვა. მისი თქმით, იციან დროის მონაკვეთი, როცა გარანტირებულად მიიღებენ მეორე დოზებს და აქვთ დასტური, რომ შემოტანა გარანტირებულად მოესწრება.
მანვე აღნიშნა, პირველ რიგში აიცრებიან ექიმები და შემდეგ რისკჯგუფები. მისივე თქმით, გადანაწილება თავდაპირველად დიდ ქალაქებში მოხდება.
თავდაპირველად ჯანდაცვის სამინისტროში აცხადებდნენ, რომ თებერვლის ბოლოს საქართველო 29 250 დოზა Pfizer-ის ვაქცინას მიიღებდა, რომელიც 14 500-მდე სამედიცინო პერსონალზე იქნებოდა გათვლილი. თუმცა, ვაქცინის შემოტანა დაგვიანდა.
5 მარტს ჯანდაცვის მინისტრის მოადგილემ, თამარ გაბუნიამ განაცხადა, რომ Pfizer-ის ვაქცინა ქვეყანაში, წინასწარი ინფორმაციით, 22 მარტის კვირაში გამოიგზავნება.
გარდა ამისა, 2 მარტს დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა, რომ საქართველო Novavax-თანაც აწარმოებდა მოლაპარაკებებს.
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
-
გადახედვაბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს ბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს
-
გადახედვაბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა ბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა
-
გადახედვაშსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს შსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს
კომენტარები