გირჩის ლიდერის, იაგო ხვიჩიას განცხადებით, მოლაპარაკებებზე ნებისყოფა და დიდი მოთმინება იქნება საჭირო, რომ საბოლოოდ გაიხსნას "კვანძი". ამის შესახებ მან TV პირველის ეთერში ისაუბრა.

"ძალიან დიდი მოთმინება და ნებისყოფა სჭირდება. ქართველი პოლიტიკოსების ამბავი მე რომ ვიცი, ეშმაკს გამოიყვანენ წყობიდან. ამიტომ, ასეთი განსაცდელი აქვს გასავლელი, რომ საბოლოოდ გახსნას ის კვანძი, რა კვანძშიც შევედით ჩვენი, ჩემი აზრით, გაუაზრებელი ქმედებებით", — თქვა მან.

კრისტიან დანიელსონი საქართველოში არსებული პოლიტიკური ვითარების განმუხტვის მიზნით ევროპული საბჭოს პრეზიდენტის, შარლ მიშელის გადაწყვეტილებით ჩამოვიდა. შუამავლის საქართველოში მივლინება ევროკავშირის უმაღლეს წარმომადგენელ ჟოზეფ ბორელთან შეთანხმებით, საქართველოში ევროკავშირის მიერ მხარდაჭერილი შუამავლობისა და პოლიტიკური დიალოგის პროცესის ფარგლებში გადაწყდა.

ხელისუფლებისა და ოპოზიციის წარმომადგენლებს შორის შარლ მიშელის მონაწილეობით შეხვედრა პრეზიდენტის ადმინისტრაციაში პირველ მარტს გაიმართა. შეხვედრაზე პოლიტიკური დიალოგის განახლების 6-პუნქტიან გეგმაზე იმსჯელეს.

მას შემდეგ, რაც სავრაუდოდ, ირაკლი ღარიბაშვილის, ბერა ივანიშვილისა და ანზორ ჩუბინიძის მონაწილეობით ფარული ჩანაწერი გავრცელდა, მოლაპარაკების გაგრძელება კითხვის ნიშნის ქვეშ დადგა. ოპოზიციის ნაწილმა მოითხოვა, რომ ღარიბაშვილი მოლაპარაკებებს აღარ დაესწროს, თუმცა ოპოზიციის საერთო შეხვედრის შემდეგ პარტიებმა განაცხადეს, რომ მმართველ გუნდს მოლაპარაკების ჩაშლის საბაბს არ მისცემენ.

გაიგეთ მეტი: