9 ფრაზა, რომელიც არ უნდა უთხრა ქალს, რომელსაც შვილები არ ჰყავს

ადამიანები ძალიან ხშირად ვსაუბრობთ იმ არაადეკვატური და შემაწუხებელი ყურადღების შესახებ, რომელიც მიმართულია ორსული ქალებისაკენ. ეს ვითომდა მზრუნველობა და სიკეთე, ძალიან ხშირად, უტაქტობაში გადადის და ცხადია, ორსული ქალების შეწუხების გარდა არაფერს ემსახურება.

On.ge-ს ამ სტატიაში ჩამოთვლილია 17 ფრაზა, რომელიც არ უნდა ვუთხრათ ორსულს. ეს კარგი, თუმცა ძალიან იშვიათად ვსაუბრობთ იმაზე, თუ რას განიცდიან უშვილო ქალები, როდესაც მათ ორსული, ან შვილიანი ქალები ამკობენ სხვადასხვა “ფრთიანი” ფრაზებით. ამ ფრაზებს მოვისმენთ სახლში, ჩვენი დედებისგან, ქუჩაში – სრულიად უცნობი ადამიანებისგან; სამსახურში – ჩვენი კეთილისმსურველი თანამშრომლებისგან და საუკეთესო მეგობრებისგანაც კი, რომლებიც თავდაუზოგავად ცდილობენ გააუფასურონ ყველაფერი, რასაც ჩვენ, არაორსული თუ უშვილო ქალები ვაკეთებთ ყოველდღიურად სახლში, სამსახურში და ზოგადად, ამ სამყაროში.

აი, იმ ფრაზათა ჩამონათვალი, რაც არაორსულ/უშვილო ქალებს ყოველდღიურად გვეუბნებიან. ისე, რომ იცოდეთ, ყველა ასეთი ფრაზის მთქმელს გართმევთ უფლებას, მოხვიდეთ ჩვენთან და უძილო ღამეებზე, ბავშვის კვებასა თუ ბავშვების მიერ არეულ სახლზე გვეწუწუნოთ.

1. იჯექი შენ და მიყურე ასე!

მართლა გგონია, რომ უკმაყოფილო სახე იმიტომ მაქვს, რომ შენი ორსულობის მშურს და არა იმიტომ, რომ ამ თემაზე ლაპარაკმა დამღალა?

2. ძალიან გამხდარი ხარ და ორსულობა შეგავსებს, მოგიხდება!

ანუ ტყუილად ვშიმშილობ ინტერვალურად, ვსწავლობ ყველაფერს კეტოზე, ვითვლი ნახშირწყლებს, ვღეჭავ უგემურ ფილეს, ვვარჯიშობ და ყოველ დილას დავრბივარ?

3. ჰა, შენ როდის აპირებ?

“როცა დავაპირებ გეეეტყვით!”

4. ჩქარა გოგო, თორემ დარჩი უშვილო!

ახლავე!

5. შენც მალე მენახე ამ ჯადოსნურ მდგომარეობაში!

რამდენი ჯადოქარი ყოფილხართ, ამ სამყაროში!

6. სანამ ნერვები გაქვს გააჩინე, თორემ რომ გაიზრდები, სადღა გექნება ბავშვის დევნის დრო?!

ჩემი ნერვები ახლა:

7. იმის გამო მაინც უნდა გათხოვდე, რომ ბავშვი გააჩინო!

არ ვიცოდი, ბავშვის გასაჩენად გათხოვება თუ იყო აუცილებელი.

8. ბავშვს ახალგაზრდა და ლამაზი დედა უხარია!

სერიოზულად?! იმედი მაქვს, შენს შვილებს მაშინაც ეყვარები და შენი ნახვა მაშინაც გაუხარდება, როცა ასაკი შემოგეპარება.

9. შენთვისაც მალე მომელოცოს დედის დღე!

მადლობა, ნუ შეწუხდებით.

ბოლო ამბები:

გირჩევთ