გლდანის მეოთხე მიკრორაიონში სროლის შედეგად ერთი პირი დაიჭრა. შემთხვევა 27 თებერვლის ღამეს მოხდა.

დაჭრილი საავადმყოფოში გადაიყვანეს. როგორც კლინიკის ექიმმა თქვა, პაციენტი 112-ის ბრიგადამ მიიყვანა და ის კონტაქტური და ადეკვატური იყო. ექიმის განმარტებით, მას ორი ჭრილობა აღენიშნებოდა.

შინაგან საქმეთ სამინისტროში აცხადებენ, რომ გამოძიება ორი მუხლით სისხლის სამართლის კოდექსის 236-ე და 117-ე მუხლებით მიმდინარეობს, რაც ცეცხლსასროლი იარაღის უკანონო ტარებასა და ჯანმრთელობის განზრახ მძიმე დაზიანებას გულისხმობს.