განათლების სამინისტრო ინფორამციით, მიმდინარე კვირაში კორონავირუსი მოსწავლეთა 0,03%-სა და სკოლის თანამშრომელთა 0,1% დაუდასტურდა. ამის შესახებ მათ ოფიციალური განცხადება გაავრცელეს.

"მშობელთა მოთხოვნის ან კორონავირუსის შემთხვევის გამოვლენის საფუძველზე, საქართველოს მასშტაბით, სრულად დისტანციურ რეჟიმზე მიმდინარე კვირაში სრულად 11 სკოლა და 109 ცალკეული კლასი გადავიდა. მასწავლებელთა და სკოლის ადმინისტრაციულ პერსონალთა სავალდებულო ტესტირება საქართველოს მასშტაბით უწყვეტ რეჟიმში გრძელდება", — წერია განცხადებაში.

კორონავირუსის გამო სკოლებში დაწესებული შეზღუდვები სხვადასხვა ქალაქში განსხვავებულ დროს მოიხსნა. 15 თებერვლიდან სწავლა მთელი საქართველოს მასშტაბით საკლასო ოთახებში გაგრძელდა.

ამავე თემაზე: