პარტია ლელოს ლიდერები და მხარდამჭერები პარლამენტთან ე.წ. კომენდანტის საათს აპროტესტებენ.

პარტიის ერთ-ერთი ლიდერის, საბა ბუაძის განცხადებით, ე.წ. კომენდანტის საათი თუ არ გაუქმდება, როგორც მინიმუმ, უნდა გადაიწიოს მაინც.

"ეკონომიკა სრულად ვერ დაიწყებს ფუნქციონირებას, მაშინ, როდესაც კომენდანტის საათი არის დაწესებული და ბევრი სექტორი ეკონომიკისა, ჩამოკიდებულია კომენდანტის საათზე", — განაცხადა მან რუსთავი 2-ის ეთერში.

გრიგოლ გეგელია, ლელოს კიდევ ერთი ლიდერი, გადაადგილების შეზღუდვას "პოლიტიკურ კომენდანტს" უწოდებს და მიაჩნია, რომ ამ რეგულაციას ხელისუფლება საზოგადოებრივი პროტეტისთვის ხელის შესაშლელად იყენებს.

"ეს არის პოლიტიკური კომენდანტის საათი. ამის ერთადერთი მიზანი არის, რომ ხალხი იყოს სახლში გამოკეტილი, მდუმარებაში, რომ ამ ხელისუფლების მავნებლური ეკონომიკური და სოციალური პოლიტიკა, ამ ხელისუფლების მიერ კრიზისი ვერ მართვა არ გახდეს მათი ლეგიტიმური პროტესტის საფუძველი და მათი [ქუჩაში] გამოსვლის საფუძველი", — განაცხადა გრიგოლ გეგელიამ.

დღეს, საკოორდინაციო საბჭოს წევრები რიდი შეზღუდვების შემსუბუქებაზე შეთანხმდნენ, თუმცა მათ შორის არ არის გადაადგილების შეზღუდვის, ე.წ. კომენდანტის საათის გადაწევა, ან გაუქმება.