ფრანგ მსახიობს, ჟერარ დეპარდიეს გაუპატიურებისა და სექსუალურ ძალადობის ბრალი წაუყენეს. დანაშაული, მან სავარაუდოდ 2018 წლის აგვისტოს პარიზში, საკუთარ სახლში ჩაიდინა.

ამავე საქმეზე, მსახიობის წინააღმდეგ გამოძიება ჯერ კიდევ 2019 წელს დაიწყო, თუმცა მტკიცებულებების ნაკლებობის გამო დაიხურა. თუმცა 2020 წლის ზაფხულში საქმე ისევ გაიხსნა.

დეპარდიეს ადვოკატი აცხადებს, რომ მსახიობი ბრალდებებს უარყოფს. ის სასამართლოს ზედამხედველობის ქვეშ იმყოფება. საქმეში ჩახედული წყაროს მიხედვით, დეპარდიე მბრალდებელი ქალის ოჯახის მეგობარი იყო.

სხვადასხვა ცნობის მიხედვით, დეპარდიე სავარაუდო დანაშაულის დროს თეატრალური დადგმის სცენის რეპეტიციას გადიოდა, თუმცა წყაროს მიხედვით, მის საქციელში "არაფერი პროფესიონალური არ ყოფილა".

ქალის ადვოკატი აცხადებს, რომ მბრალდებელს ანონიმურად დარჩენა სურს და იმედოვნებს, რომ სასამართლოზე მის ამ უფლებასაც დაიცავენ.