ჩვენი საქართველო — სოლიდარობის ალიანსის ყოფილი წევრი, გედევან ფოფხაძის ნაციონალური მოძრაობის ოფისში მივიდა.

"განზოგადებულად ხდება ნიკა მელიაზე შეტევა, თორემ ეს არის საერთო შეტევა ქვეყანაში ოპოზიციური აზრის მიმართ, თავისუფალი აზრის მიმართ და მიმაჩნია, რომ ეს არის შეტევა დემოკრატიის წინააღმდეგ ამიტომ, სოლიდარობას ვუცხადებ ჩემს კოლეგას, ადამიანს, რომელიც არის ერთ-ერთი გამოკვეთილი ოპოზიციური პარტიის ლიდერი და პიროვნებას, რომელმაც თავისი პირადი თვისებებით მოახერხა და გარკვეული ზეპარტიული პოლიტიკური პროცესი დაიწყო საქართველოში", — განაცხადა ფოფხაძემ.

პოლიტიკური კრიზისი საქართველოში 2020 წლის საპარლამენტო არჩევნების შედეგების გამოქვეყნების შემდეგ დაიწყო. ოქტომბერში ჩატარებულ არჩევნების შედეგებს ოპოზიცია არ აღიარებს და ხელახალი არჩევნების დანიშვნას თვეებია ითხოვს.

ამას თან დაერთო ნაციონალური მოძრაობის თამჯდომარის, ნიკა მელიასთვის აღკვეთის ღონისძიების სახით პატიმრობა შუფარდება.

მელიასთვის პატიმრობის შეფარდებიდან რამდენიმე საათში 18 თებერვალს საქართველოს პრემიერმინისტრი, გიორგი გახარია გადადგა. გახარიას გადადგომიდან რამდენიმე წუთში კი, შსს-მ მელიას საქმეზე დაგეგმილი ღონისძიება "დროებით" გადადო.

17 თებერვალს თბილისის საქალაქო სასამართლომ დააკმაყოფილა პროკურატურის მოთხოვნა და ნაციონალური მოძრაობის თავმჯდომარეს, ნიკა მელიას აღკვეთის ღონისძიების სახით პატიმრობა შეუფარდა. საქმეს მოსამართლე ნინო ჩახნაშვილი განიხილავდა. აღსანიშნავია, აღკვეთის ღონისძიების შეფარდება არ ნიშნავს საბოლოო გადაწყვეტილებას — განხილვები ამის შემდეგაც უნდა გაგრძელდეს და სასამართლოს მაქსიმუმ 9-თვიანი ვადა აქვს, რომ საბოლოო ვერდიქტი გამოიტანოს.