საქართველოს პრემიერმინისტრობის კანდიდატმა, ირაკლი ღარიბაშვილმა, კონსტიტუციის 100 წლის იუბილისადმი მიძღვნილ ღონისძიებაზე, პარლამენტში სიტყვით გამოსვლისას, ნაციონალური მოძრაობა ე.წ. შულავერის კომიტეტს შეადარა.

"დღეს, ზუსტად ისე, როგორც 9 წლის წინ, ეს ძალა [ენმ] გასულია საკონსტიტუციო წესრიგიდან. დღეს 21-ე საუკუნის, არც ამას მოვერიდებოდი — შულავერის კომიტეტი, ზუსტად ისევე, როგორც 100 წლის წინ, ქვეყნის კონსტიტუციის დამხობას ცდილობს", — განაცხადა ღარიბაშვილმა.

ღარიბაშვილმა გამოიყენა ფრანგული სიტყვა დეჟავიუ და განაცხადა, რომ ის რაც ახლა ხდება ქვეყანაში, ჩვენ უკვე ნანახი გვაქვს 100 წლის წინ.

"თებერვლის სუსხიანი დღეები გვახსენებს საუკუნის წინანდელ წარსულს, როდესაც ქართულ სახელმწიფოებრიობის შიდა მტრები, ჩვენი დიდი, ეროვნული იდეის მოღალატეები, ქართველი ბოლშევიკები შემოუძღვნენ საბოჭოთა რუსეთის მე-11 არმიას და გაანადგურეს ყველაფერი ის, რაც გარანტირებული იყო რამდნიმე დღით ადრე მიღებული პირველი ქართული კონსტიტუციით.

მე მინდა სიტყვა ვიხმარო ფრანგული — დეჟავიუ, რომელიც მოგეხსენებათ, რომ ნიშნავს უკვე ნანახს და როდესაც დღეს, ამ მოვლენებიდან 100 წლის თავზე ისევ ვხედავთ ჩვენი სახლემწიფოებრიობის მტრებს, თანამედროვე ნეობოლშევიკებს, რომლებსაც სამიზნედ სწორედ კანონი და კონსტიტუცია გაუხდიათ, გვახსენდება, რომ ეს უკვე ნანახი გვაქვს. უკვე ნანახი გვაქვს ჩვენი რეპრესიები ასი წლის წინ და 10 წლის წინაც. ჩვენ გვქვს ნანახი ეკლესიების ნგრევა მაშინაც და არც თუ ისე შორეულ წარსულში. უკვე ორგზის გვაქვს ნანახი ჩვენ პროგრესის სახელით ძეგლების აფეთქებაც, ჩვენი მოქალაქეების კერძო საკუთრების ექსპროპრიაციაც და თავისუფალი აზრის ცენზურაც. ჩვენ უკვე ორგზის ნანახი გვაქვს სერგო ორჯონიკიძეები, ჩვენ უკვე ორჯერ გავიარეთ ქართული ტერიტორიების გასხვისება. ეს დღესაც გრძელდება", — განაცხადა ირაკლი ღარიბაშვილმა.

1921 წლის თებერლვაში კომუნისტურმა პარტიიის ეგიდით სოფელ შულავერში შეიქმნა ე.წ. რევოლუციური კომიტეტი, რომელმაც რუსეთის საბჭოთა მთავრობას სთხოვა დახმარება თითქოსდა ქართველი აჯანყებული მშრომელების მხარდასაჭერად. ამ დროს საბჭოთა რუსეთი უკვე აწარმოებდა ბრძოლებს საქართველოს წინააღმდეგ. პირველი დემოკრატიული რესპუბლიკის დამფუძნებელმა კრებამ კომიტეტის წევრები მოღალატეებად გამოაცხადა. გასაბჭოების შემდეგ ამ კომიტეტის წევრები მმართველ თანამდებობებს იკავებდნენ.

გაიგეთ მეტი: