ქართულმა ოცნებამ პლენარულ სხდომაზე ნიკა მელიას იმუნიტეტი მეორედაც მოუხსნა, რითიც პროკურატურას ისევ მისცა მისი დაკავების უფლება. ენმ-ის ლიდერისთვის იმუნიტეტის მოხსნას 88 დეპუტატმა დაუჭირა მხარი, 2 წინააღმდეგი იყო, 4-მა კი თავი შეიკავა. ნახეთ სია:

მომხრეები:

  1. გიორგი ამილახვარი;
  2. გია ბენაშვილი;
  3. ირაკლი ბერაია;
  4. ირაკლი (დაჩი) ბერაია;
  5. რამინა ბერაძე;
  6. მაია ბითაძე;
  7. ანზორ ბოლქვაძე;
  8. ელისო ბოლქვაძე;
  9. მაკა ბოჭორიშვილი;
  10. ანა ბუჩუკური;
  11. ელგუჯა გოცირიძე;
  12. ბექა დავითულიანი;
  13. ალექსანდრე დალაქიშვილი;
  14. ზაურ დარგალი;
  15. ისკო დასენი;
  16. მიხეილ დაუშვილი;
  17. ზაალ დუგლაძე;
  18. ქეთევან დუმბაძე;
  19. გოჩა ენუქიძე;
  20. გიორგი ვოლსკი;
  21. ირმა ზავრადაშვილი;
  22. ირაკლი ზარქუა;
  23. არჩილ თალაკვაძე;
  24. ედიშერ თოლორაია;
  25. დავით კაჭარავა;
  26. ლადო კახაძე;
  27. გიორგი კახიანი;
  28. კახა კახიშვილი;
  29. შალვა კერესელიძე;
  30. პაატა კვიჟინაძე;
  31. სუმბატ კიურეღიანი;
  32. ირაკლი კობახიძე;
  33. ლევან კობიაშვილი;
  34. ირაკლი კოვზანაძე;
  35. რესან კონცელიძე;
  36. კახაბერ კუჭავა;
  37. მარიამ ლაშხი;
  38. ნინო ლაცაბიძე;
  39. ბექა ლილუაშვილი;
  40. ზაზა ლომინაძე;
  41. დავით მათიკაშვილი;
  42. სამუელ მანუკიანი;
  43. გურამ მაჭარაშვილი;
  44. ლევან მგალობლიშვილი;
  45. მამუკა მდინარაძე;
  46. ირაკლი მეზურნიშვილი;
  47. მაია მენაღარაშვილი;
  48. გოგი მიშველიანი;
  49. ირაკლი მეძმარიაშვილი;
  50. სავალან მირზოევი;
  51. გივი მიქანაძე;
  52. ზაალ მიქელაძე;
  53. ალექსანდრე მოწერილია;
  54. ანტონ ობოლაშვილი;
  55. ბექა ოდიშარია;
  56. ანრი ოხანაშვილი;
  57. შალვა პაპუაშვილი;
  58. დიმიტრი სამხარაძე;
  59. ნიკოლოზ სამხარაძე;
  60. ვიქტორ სანიკიძე;
  61. მიხეილ სარჯველაძე;
  62. დავით სერგეენკო;
  63. ირაკლი სესიაშვილი;
  64. ეკა სეფაშვილი;
  65. დავით სონღულაშვილი;
  66. სოზარ სუბარი;
  67. ალექსანდრე ტაბატაძე;
  68. თამარ ტალიაშვილი;
  69. ნოდარ ტურძელაძე;
  70. ირაკლი ქადაგიშვილი;
  71. ლევან ქარუშიძე;
  72. მარიამ ქვრივიშვილი;
  73. ალუდა ღუდუშაური;
  74. მიხეილ ყაველაშვილი;
  75. გოდერძი ჩანქსელიანი;
  76. ვლადიმერ ჩაჩიბაია;
  77. ვასილ ჩიგოგიძე;
  78. ირაკლი ჩიქოვანი;
  79. ბეჟან წაქაძე;
  80. ნინო წილოსანი;
  81. ხატია წილოსანი;
  82. გივი ჭიჭინაძე;
  83. შოთა ხაბარელი;
  84. ირაკლი ხახუბია;
  85. გიორგი ხელაშვილი;
  86. გიორგი ხოჯევანიშვილი;
  87. დიმიტრი ხუნდაძე;
  88. ვიქტორ ჯაფარიძე.

სხდომას არ ესწრებოდა, თუმცა თავისი პოზიცია დააფიქსირა ქართული ოცნების დეპუტატმა, თეა წულუკიანმაც. მან თვითიზოლაციიდან ამცნო საზოგადოებას, რომ მომხრეა:

"ვიცი, რომ საქართველოს პარლამენტი ერთადერთ სწორ გადაწყვეტილებას მიიღებს და მავანის პოლიტიკანობაზე მაღლა დააყენებს კანონს და სახელმწიფოს! ჩემი ერთი ხმაც ამ გადაწყვეტილებას ეკუთვნის".

წინააღმდეგი:

  1. ალეკო ელისაშვილი;
  2. ლევან იოსელიანი.

თავი შეიკავა:

  1. ავთანდილ ენუქიძემ;
  2. დავით ზილფიმაინმა;
  3. ფრიდონ ინჯიამ;
  4. გელა მიქაძემ.

როგორც უკვე აღვნიშნეთ, ეს პირველი შემთხვევა არ არის, როდესაც მმართველი გუნდი პროკურატურას მელიას დაპატიმრების უფლებას აძლევს. 2019 წლის 26 ივნისს 91 ხმით, 0-ის წინააღმდეგ, ქართულმა ოცნებამ იგივე საკითხზე დადებითი გადაწყვეტილება მიიღო. მაშინაც მსჯელობის საგანი იყო ნიკა მელიას ბრალდება 20 ივნისის საქმეზე. კენჭისყრის დღეს ოპოზიციის სკამები ცარიელი იყო და მელია მმართველი გუნდის პირისპირ მარტო იჯდა. თუმცა ქართულ ოცნებაშიც არ ყოფილა ყველა "მომხრე". სამმა დეპუტატმა: მირიან წიკლაურმა, რომან კაკულიამ და ბექა ოდიშარიამ მაშინ ხმის მიცემისგან თავი შეიკავეს, მარიამ ჯაშმა კი კენჭისყრაში მონაწილეობა არ მიიღო.

მაშინ პროკურატურამ ქართული ოცნებისგან პატიმრობის უფლება მიიღო, სასამართლოსგან კი არა. მელიას გირაო და ელექტრონული სამაჯურის ტარება შეეფარდა, რომელიც ენმ-ის ლიდერმა ერთ-ერთ აქციაზე დემონსტრაციულად მოიხსნა, რასაც უწყებიდან მორიგი გირაოს გადახდის, გადაუხდელობის შემთხვევაში კი პატიმრობის მოთხოვნა მოყვა. მელიამ გირაოს გადახდაზე უარი თქვა, რადგან მიაჩნია, რომ საქმე პოლიტიზებულია.

ერთკვირიანი ვადა, რომელიც პროკურატურამ მელიას გირაოს გადასახდელად მისცა, ამოიწურა ისე, რომ ენმ-ს თავმჯდომარეს ეს მოთხოვნა არ დაუკმაყოფილებია. სწორედ ამიტომ, პროკურატურამ პარლამენტს მიმართა და ქართულმა ოცნებამ დადებითი გადაწყვეტილება მიიღო.

ნიკა მელიას საქმე

ნიკა მელიას საქართველოს პროკურატურა 20 ივნისის აქციის საქმეზე ძალადობრივი ჯგუფის ხელმძღვანელობას ედავება. გამოძიება სისხლის სამართლის კოდექსის 225-ე მუხლის პირველი და მეორე ნაწილით მიმდინარეობს. ამ მუხლით 4-დან 9 წლამდე სისხლისსამართლებრივი პასუხისმგებლობა ძალადობრივი ჯგუფის ხელმძღვანელობისა და მასში მონაწილეობისთვის დგება.

პროკურატურა მელიასთვის პატიმრობას ითხოვდა, თუმცა 2019 წლის 27 ივნისს თბილისის საქალაქო სასამართლომ მას 30 ათასი ლარის ოდენობის გირაო შეუფარდა. გარდა ამისა, მოსამართლემ სხვა შეზღუდვებიც დაუწესა:

  • საცხოვრებელი ადგილის (სახლის) დატოვება საგამოძიებო ორგანოს ინფორმირებისა და თანხმობის გარეშე;
  • საზოგადოებრივი თავშეყრის ადგილას საჯარო განცხადებების გაკეთება; მოწმეებთან ნებისმიერი სახის კომუნიკაცია;
  • დაეკისრა საგამოძიებო ორგანოსთვის პასპორტისა და პირადობის დამადასტურებელი სხვა დოკუმენტის ჩაბარების ვალდებულება.