ჰაბლის ტელესკოპი, როგორც წესი, შორეული გალაქტიკებისა და ჩვენგან მილიონობით სინათლის წელიწადით დაშორებული კოსმოსური ობიექტების ფოტოებს იღებს, მაგრამ 12 მაისს, ტელესკოპმა ჩვენი მეზობელი პლანეტის, მარსის, ფოტო გადაიღო.

გადაღების მომენტში მარსი დედამიწისგან 80.4 მილიონი კილომეტრით იყო დაშორებული.

მაღალი გარჩევადობის ფოტოზე პლანეტის დეტალები კარგად ჩანს.

მარსი

ფოტო: NASA

პლანეტის ამ ნახევარსფეროში ნასას რამდენიმე მისია დაჯდა, 1976 წელს Viking 1, 1997 წელს Pathfinder და ამჟამად მომუშავე Opportunity როვერი. Spirit და Curiosity პლანეტის მეორე მხარეს დასხდნენ.

30 მაისს მარსი დედამიწასთან ბოლო 11 წლის მანძილზე ყველაზე ახლო მანძილზე, 76.3 მილიონ კილომეტრზე ჩაუვლის.