ქართველმა მორაგბეებმა მიხეილ მესხის სახელობის სტადიონზე რუსეთის ეროვნული ნაკრები დაამარცხეს. საქართველოს ნაკრებმა რაგბი ევროპის ჩემპიონის ტიტული მოიპოვა.

პირველი ტაიმი ანგარიშით 0:0 დასრულდა. უკვე მეორე ტაიმში ვასკა ლობჟანიძემ ანგარიში ლელოთი გახსნა, ხოლო თედო აბჟანდაძის ჯარიმის შემდეგ ანგარიში 10:0 გახდა.

ლელოს დადება მოახერხა რუსეთის ნაკრებმაც. თუმცა აბჟანდაძის კიდევ ორი ჯარიმის შემდეგ ანგარიში 16:7-მდე გაიზარდა.