Stranger Things-ის პირველმა სეზონმა უამრავი ადამიანი მიაჯაჭვა ეკრანს. მეორე სეზონის ბედი კი იმაზე იყო დამოკიდებული, როგორ მიიღებდა მაყურებელი პირველ 8 ეპიზოდს. დადებითი გამოხმაურების შემდეგ, მეორე სეზონიც დამტკიცდა და ის ივლისში დაიწყება.

ერთ-ერთი მთავარი, რაც მეორე სეზონთან დაკავშირებით ვიცით, არის ის, რომ შოუში აუცილებლად ვიხილავთ დოქტორ ბრენერს.

“პირველ სეზონში ჩვენ ვნახეთ, რომ ბრენერის პერსონაჟს თავს ესხმის მონსტრი, შემდეგ კი ისინი ერთიანდებიან. ვფიქრობთ, რომ ეს პერსონაჟი უფრო მეტ დროს იმსახურებს შოუში, ამიტომ დიდი ალბათობით, მას შემდეგ სეზონშიც ვნახავთ”, - ამბობს შოუს ერთ-ერთი შემქმნელი მეთ დიფერი.

ვიცით ისიც, რომ ბარბარას პერსონაჟის ხაზი აუცილებლად გაგრძელდება და ის შურს იძიებს საკუთარი ტრაგიკული ისტორიიის გამო.

ფოტო: Vanity Fair

"პირველ სეზონში სიუჟეტი ფაქტობრივად ერთი კვირის განმავლობაში ვითარდება. ეს კი ძალიან ცოტა დროა იმისთვის, რომ ყველაფერი განმარტო. ჩვენ გადავწყვიტეთ, მეორე სეზონში განვავრცოთ და უფრო გასაგები გავხადოთ ის, რაც პირველ სეზონში მოხდა", - ამბობს რეჟისორი.

აღსანიშნავია ისიც, რომ სერიალის მეორე სეზონში ძველ პერსონაჟებს სამი ახალი გმირი - მაქსი, ბილი და რომანი დაემატებათ.