პრეზიდენტი დონალდ ტრამპი, როგორც ჩანს, აშშ-ის ქმედებებს რუსეთის პრეზიდენტის, ვლადიმერ პუტინის ავტორიტარულ რეჟიმს უთანაბრებს. ტრამპმა ამის შესახებ Fox News-ის ბილ ო'რაილისთან ინტერვიუში განაცხადა.

ტრამპა კიდევ ერთხელ განაცხადა, რომ პატივს სცემს პუტინს.

"მაგრამ ის მკვლელია" - უთხრა ჟურნალისტმა ტრამპს, რაზეც პრეზიდენტმა უპასუხა:

"ძალიან ბევრი მკვლელი არსებობს. თქვენ რა გგონიათ, ჩვენი ქვეყანა ასეთი უდანაშაულოა?"

ჯერ-ჯერობით მხოლოდ კლიპია გავრცელებული, სრული ინტერვიუ კი დღეს, 5 თებერვალს გავა ტელევიზიით.

ასეთი განხცხადება შეერთებული შტატების პრეზიდენტისგან საკმაოდ უჩვეულოა, თუმცა ტრამპს მსგავსი რამ უკვე უთქვამს:

"ის მართავს თავის ქვეყანას და არის ლიდერი, განსხვავებით იმისგან, რა მდგომარეობაც ჩვენ გვაქვს ქვეყანაში." - განაცხადა ტრამპმა MSNBC-ის ეთერში 2015 წლის დეკემბერში.