გირჩის ერთ-ერთი ლიდერის, ვახტანგ მეგრელიშვილის თქმით, პარლამენტში შესვლის შემთხვევაში, მისი პარტიის წევრები სადეპუტატო ხელფასს არ აიღებენ. ამის შესახებ მან POSTV-ს ეთერში ისაუბრა.

"ჩვენ არ ვაპირებდით არც პარტიული დაფინანსების აღებას, იმიტომ კი არა, რომ რაღაცას ვცნობდით ან არ ვცნობდით, უბრალოდ არ ვაპირებდით დაფინანსების აღებას. სანამ ზურა [ჯაფარიძე] წავიდოდა შიგნით იყო დისკუსია, ხელფასი უნდა აეღოთ თუ არა გირჩიდან პარლამენტარს. ახლა ეს საკითხიც აღარ დგას", — აღნიშნა მეგრელიშვილმა.

31 ოქტომბრის საპარლამენტო არჩევნებს ოპოზიციამ უნდობლობა გამოუცხადა. მათ პარლამენტში შესვლაზე უარი თქვეს და მანდატების გაუქმებისთვის საკანონმდებლო ორგანოს მიმართეს. ამასთან ერთად, ყველა ოპოზიციურმა პარტიამ გირჩისა და მოქალაქეების გარდა, განაცხადა, რომ აიღებდა პარტიულ დაფინანსებას, რომელიც მათ არჩევნების შედეგების პროპორციულად ეკუთვნოდათ.

როგორც ოპოზიციაში განმარტავდნენ, ეს პარტიული დაფინანსება, რომელიც მათი საქმიანობისთვის აუცილებელია.