როცა საქმე ეხება მეტალურგიას, საყოველთაოდ ცნობილია, რომ რაც უფრო მცირე ზომის ნაწილაკებისგან შედგება მეტალი, მით უფრო მკვრივი და გამძლეა. შესაბამისად, მეცნიერები მაქსიმალური სიმკვრივის მისაღწევად ბევრს მუშაობენ.

ბრაუნის უნივერსიტეტის მკვლევრების ჯგუფმა ლითონის ნანოკლასტერების დამსხვრევის ახალი მეთოდი აღმოაჩინა, რისგანაც სტანდარტულზე ოთხჯერ უფრო გამძლე მეტალის მიღებაა შესაძლებელი. ეს ახალი მეთოდი, მეტალის გამკვრივების ჩვეულებრივი ტექნიკისგან საკმაოდ განსხვავებულია.

"გამკვრივების სხვა მეთოდები ნაწილაკების სტრუქტურის გადაადგილების მოიცავს. ასეთ დროს ძალიან ძნელია ნაწილაკების ზომის კონტროლი. რაც ჩვენ გავაკეთეთ, არის ნანონაწილაკების სამშენებლო ბლოკების შექმნა, რომლებიც ერთმანეთს მაქსიმალურად ერწყმიან. ამ გზით ჩვენ შეგვიძლია შევქმნათ ნაწილაკების ზუსტი ზომები და მარტივად ვაკონტროლოთ ის." — თქვა კვლევის ავტორმა, ოუ ჩენმა.

ამ კვლევისთვის, ჯგუფმა გამოიყენა ოქროს, ვერცხლის, პალადიუმის და სხვა ლითონის ნანონაწილაკები. მკვლევრებმა ნაწილაკებს “ჩამოართვეს” ორგანული მოლეკულები, რომლებსაც ლიგანდები ეწოდება. ისინი ხელს უშლიან ლითონის ნაწილაკებს შორის ბმების წარმოქმნას. შედეგად, ნაწილაკებს ერთმანეთთან შერწყმა მხოლოდ მცირე ზეწოლის შედეგადაც შეეძლოთ.

ამ ტექნიკით დამზადებული ლითონის მონეტებს ელექტრული გამტარობა ისევე შეუძლიათ, როგორც სხვა ლითონს. თუმცა, ახალი ლითონის ოპტიკური თვისებები მკვეთრად შეიცვალა.

"პლაზმური ეფექტის სახელით ცნობილი, ოქროს ნანონაწილაკები მუქი ფერისაა, თუმცა, როდესაც მის ნაწილაკებზე ზეწოლა მოვახდინეთ, დავინახეთ, რომ ის მოულოდნელად ღია ოქროსფერში გადავიდა." — თქვა ჩენმა.

მკვლევრები ამბობენ, რომ მსგავსი ლითოონის ქიმიურად დამუშავება რთული არ არის და მისი კომერციალიზაციაც შესაძლებელი მალე იქნება. მათ ახალი ტექნიკა უკვე დააპატენტეს და მიაჩნიათ, რომ ამ ინოვაციურ მეთოდს დიდი პოტენციალი აქვს, როგორც ზოგადად ინდუსტრიაში, ასევე სამეცნიერო კვლევით საზოგადოებებში.

თუ სტატიაში განხილული თემა და ტექნოლოგიების სფერო შენთვის საინტერესოა, შემოგვიერთდი ჯგუფში, სადაც ვლაპარაკობთ ტექნოლოგიებზე.