ვიცე-პრემიერის, მაია ცქიტიშვილის განცხადებით, სკოლების აღდგენის პარალელურად სახელმწიფო უზრუნველყოფს მასწავლებელთა სისტემურ ტესტირებას.

"სკოლების გახსნის პარალელურად, სახელმწიფო უზრუნველყოფს მასწავლებლების სისტემურ ტესტირებას, ორ კვირაში ერთხელ", — განაცხადა მაია ცქიტიშვილმა.

საკოორდინაციო საბჭოს გადაწყვეტილებით, თბილისში, ქუთაისსა და რუსთავში სკოლებში, საკლასო სწავლების აღდგენა 1-ლი მარტიდან იგეგმება. თუმცა, მდგომარეობა შეიძლება შეიცვალოს ეპიდვითარების შესაბამისად.

საქართველოს განათლების მინისტრის, მიხეილ ჩხენკელის განცხადებით, პირველი თებერვლიდან მთელი ქვეყნის მასშტაბით, თბილისის, ქუთაისისა და რუსთავის გარდა, მოსწავლეები სასწავლო პროცესს სკოლებში გააგრძელებენ.

აღსანიშნავია, რომ 1-ელ მარტამდე სახელმწფო უზრუნველყოფს კერძო ბიზნესის თანამშრომელთა ტესტირებასაც.

გაიგეთ მეტი: