ბაკურ სულაკაურის გამომცემლობამ საკუთარ მკითხველს, განსაკუთრებით კი პოტერიადას გულშემატკივრების დიდ არმიას საჩუქარი გაუკეთა.

როგორც გამომცემლობა საკუთარი ფეისბუქის გვერდზე წერს ჰარი პოტერი და დაწყევლილი ბავშვის თარგმნა დასრულდა და მისი შეძენა აპრილიდან იქნება შესაძლებელი.

ჰარი პოტერი და დაწყევლილი ბავშვი ჯოან როულინგმა გასული წლის ზაფხულში გამოსცა და მალევე გადაუსწრო გაყიდვებით უილიამ შექსპირის პიესებს. წიგნი ყოველ წუთში 879 ფუნტს გამოიმუშავებს, იმაზე მეტს, ვიდრე რომელიმე ავტორს ოდესმე დასიზმრებია. გამოსვლიდან სულ რაღაც ერთ კვირაში კი დაწყევლილმა ბავშვმა მწერალს 8.7 მილიონი ფუნტი მოუტანა და რამდენიმე დღეში ახალი ისტორიის თითქმის მილიონი ეგზემპლარი გაიყიდა.