საერთაშორისო ჯგუფ ვიონის წევრმა — ბილაინმა, ხელი მოაწერა ურთიერთთანამშრომლობის მემორანდუმს საქართველოს განათლების, მეცნიერების, კულტურისა და სპორტის სამინისტროსთან, რის საფუძველზეც ბილაინის აბონენტი საჯარო და კერძო სკოლების მოსწავლეები და მასწავლებლები 2020-2021 სასწავლო წლის ბოლომდე (ივნისი) შეღავათიანი მობილური ინტერნეტპაკეტით ისარგებლებენ.

მემორანდუმის თანახმად, ბილაინის აბონენტი მოსწავლეები და მასწავლებლები 20 GB მობილური ინტერნეტის შეძენას 10 ლარად შეძლებენ. აღნიშნული პაკეტი განისაზღვრა ექსპერტების მიერ, რომლებიც ფიქრობენ, რომ იგი სრულებით საკმარისია ერთი თვის მანძლზე ონლაინ გაკვეთილებზე დასასწრებად და ინტერნეტში რესურების მოძიებისთვის.

პროგრამით სარგებლობისთვის საჯარო და კერძო სკოლების მასწავლებლებმა და მოსწავლეთა მშობლებმა (ან ოჯახის წევრებმა), სსიპ განათლების მართვის საინფორმაციო სისტემის (EMIS) მიერ საგანგებოდ შექმნილ პლატფორმაზე — mobile.emis.ge, მოსწავლის ან მასწავლებლის პირადი ნომრით უნდა დაარეგისტრირონ ტელეფონის ის ნომრები, რომლებზეც სურთ აღნიშნული პაკეტის გააქტიურება. პაკეტის მოქმედების ვადა 30 დღეა და ვადის ამოწურვის შემდეგ გამოუყენებელი მეგაბაიტები ნულდება.