კენწერო — ქართული საგანმანათლებლო პლატფორმა, სადაც სწავლა ძირიდანვე ტკბილია
ალბათ ხშირად გაგიგია გამოთქმა: "სწავლის ძირი მწარე არის, კენწეროში გატკბილდების". შეიძლება გიწუწუნია კიდეც: რატომ არ შეიძლება სწავლის ძირიც ტკბილი იყოს და კენწეროც? საბედნიეროდ, უკვე არსებობს ადგილი ქართულ ინტერნეტსივრცეში, სადაც სწავლა ძირიდანვე ტკბილია, ყველასთვის ხელმისაწვდომი და, რაც მთავარია, სრულიად უფასო — კენწერო.
პანდემიამ მთელი მსოფლიოს ჩვეული ცხოვრება თავდაყირა დააყენა. უამრავ ადამიანს და აბსოლუტურად ყველა კომპანიას მოუწია თამაშის ახალ წესებს მორგებოდა და მაქსიმალურად გადართულიყო ონლაინ მუშაობაზე.
უდიდესი ცვლილებები მოხდა განათლების სფეროშიც. თუ აქამდე "კომპიუტერის გაკვეთილი" მხოლოდ კვირაში ერთხელ ტარდებოდა, 2020 წლიდან სკოლის ყველა გაკვეთილი და უნივერსიტეტის თითოეული ლექცია "კომპიუტერის გაკვეთილად" იქცა. ყველამ გააცნობიერა ონლაინ სწავლების მნიშვნელობა და, ამასთან ერთად, ქართულენოვანი რესურსების სიმწირე, როგორც ფორმალური, ასევე არაფორმალური განათლების კუთხით. აღმოჩნდა, რომ ქართულენოვანი საგანმანათლებლო პლატფორმები თითზეჩამოსათვლელიც არ არის, სწავლას მოწყურებული თაობა კი მხოლოდ უცხო ენაზე თუ ახერხებს მისთვის საინტერესო ინფორმაციის მოძიებას. უცხო ენა კი პრივილეგია უფროა, ვიდრე ყველასთვის თანაბრად ხელმისაწვდომი ცოდნა.
სწორედ ამიტომ შეიქმნა კენწერო, ელექტრონული სწავლების ქართულენოვანი პლატფორმა - ადგილი, სადაც სწავლა ძალიან ტკბილია. პლატფორმა სრულიად უფასოა და და ხელმისაწვდომია ნებისმიერი ასაკისთვის. თითოეული კურსის დასრულების შემდეგ მსმენელები სერთიფიკატსაც მიიღებენ.
როგორ მუშაობს კენწერო?
რესურსების სანახავად პირველი ნაბიჯი საიტზე რეგისტრაციაა, რის შემდეგაც შესაძლებელია სასურველი კურსის არჩევა და მისი გავლა. დარეგისტრირებულს პლატფორმა ქვიზების გავლას სთავაზობს, რისი მიზანიც არსებული და შეძენილი ცოდნის შემოწმებაა.
თითოეული სკოლა და კურსი დეტალურადაა აღწერილი, რაც საიტის სტუმარს ეხმარება ზუსტად ამოიცნოს მისთვის საინტერესო თემები და შეუდგეს კენწეროს გზას.
რისი სწავლა შემიძლია აქ?
კენწეროში მიმდინარე ეტაპზე 2 სკოლა დაგხვდება: დემოკრატიზაციისა და კარგი მმართველობის სკოლა და საერთაშორისო ურთიერთობების სკოლა. ერთი შეხედვით რთულად ჟღერს, არა? სინამდვილეში კენწერო რთული რაღაცების მარტივად სასწავლადაა შექმნილი. ქვეყნის წამყვანი სპეციალისტები თავიანთი ცოდნას ვიდეოების ფორმატით, გასაგები და მეგობრული ენით უზიარებენ ვებგვერდის სტუმრებს.
დემოკრატიზაციისა და კარგი მმართველობის სკოლა
დემოკრატიზაციისა და კარგი მმართველობის სკოლას ოთხი მიმართულება აქვს. პირველი — ადამიანთა უფლებებია. იცოდი რომ შენი, როგორც ადამიანის, ერთ-ერთი ფუნდამენტური უფლებაა განათლების მიღების უფლება? ამ უფლების რეალიზებაში ეს მიმართულება დაგეხმარება და სხვა საჭირო უფლებებზეც მოგცემს ინფორმაციას.
სკოლის შემდეგი მიმართულება არჩევნებს ეხება. არჩევანს ყოველდღიურად ვაკეთებთ, ზოგი მნიშვნელოვანია, ზოგი ნაკლებად. ახლაც უნდა აირჩიო გაივლი თუ არა ამ კურსს, სადაც ერთ-ერთ ყველაზე მნიშვნელოვან არჩევანზე გაიგებ მეტს.
დემოკრატიზაციისა და კარგი მმართველობის სკოლის მესამე მიმართულება კარგი მმართველობაა. ყველაფერი რასაც სახელში კარგი ურევია შეიძლება კარგი არ იყოს და პირიქით, მაგრამ კენწეროში კარგ მმართველობას მართლაც კარგად, მარტივად და საინტერესოდ ისწავლი.
სკოლის მეოთხე და უმნიშვნელოვანესი მიმართულება დემოკრატიაა. დემოკრატია ბერძნული სიტყვაა და ხალხის მმართველობას ნიშნავს, კენწერო ქართული სიტყვაა და ხის ან მთის წვერის აღსანიშნავად გამოიყენებენ. ერთი შეხედვით, ამ ორ სიტყვას შორის კავშირი არ არის, მაგრამ ეს მიმართულება, რომელსაც დემოკრატია ჰქვია, კენწეროზე ასვლაში დაგეხმარება.
საერთაშორისო ურთიერთობების სკოლა
საერთაშორისო ურთიერთობის სკოლას 5 მიმართულება აქვს. სკოლა კიბერუსაფრთხოების შესწავლით იწყება. თუ არ გინდა შენი ინტერნეტ ბანკი ამერიკის ბანკის ბოსტონის ფილიალივით დაჰაკონ, შენი პერსონალური ინფორმაცია შენთვის მნიშვნელოვანია ან უბრალოდ გინდა საკითხზე მეტი იცოდე, ეს მიმართულება შენთვის ყოფილა.
საერთაშორისო ურთიერთობების სკოლის სპეციალიზებული მიმართულება, ბუნებრივია, კონკრეტულად საერთაშორისო ურთიერთობებიცაა. ამ მიმართულებაში უამრავ საინტერესო და საჭირო ინფორმაციას მიიღებ სახელმწიფო პოლიტიკაზე, სახელმწიფოთა შორის ურთიერთობებზე და ისტორიაზე.
საქართველოს სახელმწიფო პოლიტიკა კი გადაჯაჭვულია ორ საკითხთან, სკოლის შემდეგ ორ მიმართულებასთან: საქართველო და ევროკავშირი და, არანაკლებ მნიშვნელოვანი, საქართველო და ნატო. ნატოსა და ევროკავშირში შესვლაზე ბევრს საუბრობენ, თუმცა რეალურად ცოტამ იცის, რატომ არის ეს ქვეყნის განვითარების მნიშვნელოვანი გზა. ამ მიმართულებებით ბევრად უფრო გაიფართოვებ თვალსაწიერს და იმედი გვაქვს, უფრო იოლად და სწრაფად აითვისებ თემას, ვიდრე საქართველოს ნატოში ინტეგრაციაა.
ქვეყნის განვითარების უმნიშვნელოვანესი ნაწილი საგარეო პოლიტიკაა. სწორედ ამიტომ საერთაშორისო ურთიერთობების სკოლაში საქართველოს საგარეო პოლიტიკა ცალკე მიმართულებად ჩამოყალიბდა. გაინტერესებს როგორი საგარეო პოლიტიკა აქვს საქართველოს? Რა პროექტებში იღებს მონაწილეობას და როგორი კავშირები აქვს? ამ მიმართულებაში გამოცდილი სპიკერები სწრაფად და მარტივად გაგაცნობენ საკითხის შინაარსს.
კიდევ რისი სწავლა შემიძლია კენწეროზე?
კენწეროზე ახალი სკოლების დამატება ეტაპობრივად იგეგმება. მაგალითად, უახლოეს მომავალში აქტიური მოქალაქეობისა და ლიდერობის სკოლას შეგიძლია ჩაუჯდე. მთავარი მხოლოდ სწავლის წყურვილია. თვალი ადევნე კენწეროს ვებგვერდსა და Facebook გვერდს.
ქართული საგანმანათლებლო პლატფორმა "კენწერო" განვითარებისა და დემოკრატიის ცენტრის (CDD) ინიციატივით, დიდი ბრიტანეთის საელჩოსა და დიდი ბრიტანეთის კარგი მმართველობის ფონდის (GGF) ფინანსური მხარდაჭერით შეიქმნა. საგანმანათლებლო პლატფორმა "კენწეროს" მხარდამჭერები არიან: კანადის საელჩო, CLFI და NED. პარტნიორები კი: საჯარო ბიბლიოთეკა, ფორბს ჯორჯია, ბიემჯი, დემოკრატიის ლაბორატორია, სექტორი 3.
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
გადახედვადაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე დაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე
-
-
გადახედვაყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა ყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
კომენტარები