Freedom House-ის უკანასკნელ კვლევაში, საქართველო, 64 ქულით, ნაწილობრივ თავისუფალი ქვეყნების სიაში მოხვდა. ასევე, იგივე მდგომარეობით შეფასდა სომხეთი 45 წულით და თურქეთი 38 ქულით. რუსეთი - 20 და აზერბაიჯანი 14 ქულით კი, არათავისუფალი ქვეყნების სიაშია. ქულის სიდიდე მიუთითებს იმაზე, რომ ქვეყანა უფრო მეტად თავისუფალია.

ანგარიშში ნათქვამია, რომ კონკრეტულად, საქართველოსთან დაკავშირებით, ვრცელი შეფასებითი ტექსტი მოგვიანებით გამოქვეყნდება.

გლობალურ ასპექტში, Freedom House წერს, რომ 2016 წელსაც გაგრძელდა თავისუფლების ინდექსის შემცირება მსოფლიოს მასშტაბით. მათი შეფასებით, პოპულისტურ და ნაციონალისტურ ძალებს დემოკრატიულ სახელმწიფოებში მნიშვნელოვანი მიღწევები აქვთ.

მკვლევარები წერენ, რომ რეგრესი განიცადა ისეთი ქვეყნების ინდექსმა, რომლებიც თავისუფლად მიიჩნევიან, მაგალითად ასეთია ბრაზილია, ჩეხეთის რესპუბლიკა, დანია, საფრანგეთი, უნგრეთი, პოლონეთი, სერბეთი, სამხრეთ აფრიკა, სამხრეთ კორეა, ესპანეთი, ტუნისი და აშშ.

195 ქვეყნიდან 87, ანუ 45 პროცენტია მიჩნეული თავისუფლად, 59 ქვეყანა (30 პროცენტი), ნაწილობრივ თავისუფლია და 49 ქვეყენა (25 პროცენტი) - არათავისუფალი.

ახლო აღმოსავლეთსა და ჩრდილოეთ აფრიკის რეგიონებს, 2016 წლის რეიტინგში ყველაზე დაბალი ადგილი უჭირავთ.