კაპიტოლიუმთან განვითარებული მოვლენების გამო რესპუბლიკელმა კონგრესმენმა, ადამ კინზინგერმაპრეზიდენტი დონალდ ტრამპი გააკრიტიკა.

"თქვენ არ იცავთ ქვეყანას. სად არის დაცვა? თქვენ დაასრულეთ და თქვენი მემკვიდრეობა კატასტროფა იქნება", — ასე გააზიარა კონგრესმენმა ტრამპის ტვიტი, რომელშიც ის სახელმწიფო მდივანს, მაიკ პენსს აკრიტიკებს.

დონალდ ტრამპის მხარდამჭერები, რომლებიც საპროტესტო აქციას მართავდნენ, კონგრესის შენობაში შეიჭრნენ. საკანონმდებლო ორგანოში გამოცხადებულია ევაკუაცია. შენობაში გადაადგილება შეზღუდულია და სენატორები, თანამშრომლები და ჟურნალისტები მიწისქვეშა გვირაბებს იყენებენ.

მანამდე კონგრესში სხდომა მიმდინარეობდა, სადაც საპრეზიდენტო არჩევნების შედეგები უნდა დაამტკიცებინათ, თუმცა სხდომა ამ ეტაპზე შეჩერებულია.