პრეზიდენტ დონალდ ტრამპის მხარდამჭერებმა ამერიკის შეერთებული შტატების კონგრესში შეჭრა სცადეს, რასაც პოლიციასა და აქციის მონაწილეებს შორის დაპირისპირება მოჰყვა.

NBC News-ის ინფორმაციით, ასობით დემონსტრანტი კონგრესში შეჭრას კაპიტოლიუმის გარშემო არსებული ბარიკადების დარღვევით ცდილობდა. ამ დროისთვის კაპიტოლიუმის შენობა დაკეტილია.

არსებული ინფორმაციით, აქციის დაწყებამდე მომიტინგეებსა და პოლიციელებს შორის დაპირისპირება მოხდა და ერთი ადამიანი დააკავეს.

აქციის პარალელურად კონგრესში სხდომა მიმდინარეობდა, სადაც საპრეზიდენტო არჩევნების შედეგები უნდა დაამტკიცონ, თუმცა სხდომა ამ ეტაპზე შეჩერებულია.