სამხარაულის ბიუროს ექსპერტიზის დასკვნის საფუძველზე, ხელისუფლებამ ბავშვთა სამყაროს შენობის დემონტაჟის გადაწყვეტილება მიიღო. ამის შესახებ ჟურნალისტებს ადგილზე მისულმა შს მინისტრის მოადგილემ განუცხადა.

მერაბ მალანიას თქმით, ჯერჯერობით კვლავ უცნობია, თუ რამ გამოიწვია სავაჭრო ცენტრში ცეცხლის გაჩენა. მისი თქმით, სამხარაულისა და მერიის ექსპერტების დასკვნით, შენობაში შესვლა სახიფათოა:

"ამის საფუძველზე გადაწყდა შენობის დემონტაჟი. ამ დროის მანძილზე შსს უზრუნველყოფს ტერიტორიის სრულად დაცვას. ამ დღეების განმავლობაში იქ უცხო პირი ვერ შევა".

დაზარალებულები შენობაში შესვლას ითხოვენ. რუსთავი 2-ის ინფორმაციით, შენობის საცავში შენახული ოქრო ხანძრის დროს არ დაზიანებულა. მოვაჭრეები გადარჩენილი ქონების გამოტანას ითხოვენ და ტერიტორიას არ ტოვებენ.

გაიგეთ მეტი.