საავიაციო ორგანიზაცია EUROCONTROL-ის ცნობით, საჰაერო ნაკადების შემცირების თვალსაზრისით ევროპაში საქართველო ყველაზე ბოლო ადგილზეა. მათივე ინფორმაციით, ტრაფიკი საქართელოში 73%-ით შემცირდა.

ფოტო: სქრინი / EUROCONTROL

ნაკადების შემცირების კუთხით საქართველოზე წინ ისრაეული იმყოფება68%-ით, ხოლო მაროკო 65%-ით. 64%-ით იზარალა მოლდოვამ, ხოლო სომხეთმა 63%-ით. საჰაერო ტრაფიკების შემცირების თვალსაზრისით ყველაზე კარგ მაჩვენებელს ნორვეგია, 40%-ით ინარჩუნებს, მას მოჰყვება ალბანეთი 46%-ით და ლუქსემბურგი 47%-ით.

EUROCONTROL-ის თანახმად, ევროპის მასშტაბით, Covid-19-ის პანდემიამ საავიაციო ჯაჭვის ყველა რგოლზე მასობრივი გავლენა მოახდინა. მაგალითად, დაფიქსირდა 1,7 მილიარდზე ნაკლები მგზავრი, ავიაკომპანიების, აეროპორტებისა და საჰაერო ნავიგაციის მომსახურების მიმწოდებელთა ზარალმა 56,2 მილიარდ ევრო შეადგინა.

EUROCONTROL-ის პროგნოზით, 2021 წელს ევროპული ტრაფიკი 2019 წლის დონესთან შედარებით 51%-ით გაუმჯობესდება. ფრენების უფრო სწრაფ აღდგენას ორგანიზაცია ზაფხულიდან ვარაუდობს.