რიკოთის უღელტეხილზე მოძრაობა დაახლოებით ერთი საათით იყო შეჩერებული. როგორც თვითმხილველებმა On.ge–ს განუცხადეს, უღელტეხილის ხუნევის მონაკვეთზე მოცურდა სატვირთო ავტომობილი, რამაც გზის ჩაკეტვა გამოიწვია. შესაბამისად, დაახლოებით 19 საათიდან, აღმოსავლეთ საქართველოდან დასავლეთით, ასევე პირიქით მომავალი ავტომობილები გადაადგილებას ვერ ახერხებდნენ, ადგილზე შექმნილი იყო რამდენიმეკილომეტრიანი საცობი. რიკოთის უღელტეხილზე ამ წუთებშიც თოვს. თვითმხილველების თქმით, ადგილზე მობილიზებულია საპატრულო პოლიცია და შესაბამისი სამსახურები, რომლებმაც სპეცტექნიკის გამოყენებით სატვირთო გზიდან გადაიტანეს. მოძრაობა ამ წუთებში თავისუფალია.

შეჩერებული მოძრაობა რიკოთის უღელტეხილზე. 29 იანვარი, 2017.

ფოტო: On.ge

ჩახერგილი გზა რიკოთის უღელტეხილზე. 29 იანვარი, 2017.

ფოტო: On.ge

მოცურებული სატვირთო რიკოთის უღელტეხილზე. 29 იანვარი, 2017.

ფოტო: On.ge

საავტომობილო გზების დეპარტამენტის ინფორმაციით, რიკოთის უღელტეხილის ჩუმათელეთი-ზესტაფონის მონაკვეთზე, თოვლისა და ლიპყინულის გამო აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

საქართველოს მასშტაბით გზებზე შეზღუდვებია დაწესებული, რომელსაც შეგიძლიათ გაეცნოთ აქ.