ქართული ოცნების აღმასრულებელი მდივნის, ირაკლი კობახიძის განცხადებით, ოპოზიცია ელოდება პანდემიით გამოწვეული ეკონომიკური კრიზისის დამძიმებას, საკუთარი რევოლუციურ სცენარების განსახორციელებლად. კობახიძის შეფასებით ეს არის მოროდიორობა.

"ამ რაუნდების დროს, ყოფილა შემთხვევები, როდესაც ვიღაც მოსულა ერთი-ერთზე და უთქვამს, რომ ახლა პანდემია იყო, ეს გამოიწვევს ეკონომიკურ და სოციალურ პრობლემებს, კულმინაცია იქნება გაზაფხულზე და მერე ჩვენ შევუდგებით ჩვენი, ასე ვთქვათ, რევოლუციური სცენარის განხორციელებას. ამაზე პასუხს რომ უბრუნებ, რომ ... ეს ხომ მოროდიორობაა? ანუ, ღიად გეუბნება პოლიტიკოსი, პასუხისმგებლობის მქონე რომელიც უნდა იყოს, რომ ის არის მოროდიორი და ელოდება იმას, რომ პანდემია დაამძიმებს ეკონომიკურ და სოციალურ ვითარებას", — განაცხადა ირაკლი კობახიძემ POSTV-ის ეთერში.

მისი თქმით, სოციალური მდგომარეობის მოსალოდნელი დამძიმება ხელისუფლებაზე არ არის დამოკიდებული, მაგრამ, ოპოზიცია მაინც ეცდება ამაზე ხელი მოითბოს.

"ხელისუფლებაზე ხომ არ არის დამოკიდებული?! თუ მიზეზი პანდემიაა და თან პირდაპირ ამბობენ, რომ პანდემიამ შეიძლება ეს გამოიწვიოს. ისინი დიდი ოპტიმიზმით ელოდებიან იმას, თუ რამდენად შეიძლება დაამძიმოს პანდემიამ ეკონომიკური და სოციალურ ვითარება და უნდათ, რომ ამაზე ხელი მოითბონ. ამას ღიად ამბობენ. არც რცხვენიათ ხოლმე", — განაცხადა კობახიძემ.

ფინანსთა მინისტრის, ივანე მაჭავარიანის თქმით, სახელმწფიო ვალი, რომელიც საერთაშორისო მონეტარული ფონდთან არის შეთანხმებული, მშპ-ის 60%-ის მიდამოებში იქნება.

გაიგეთ მეტი: