ამერიკის შეერთებული შტატები "დემოკრატიისთვის ძირის გამოთხრისთვის" ბელარუსის რეჟიმის წარმომადგენლებს დამატებით სანქციებს უწესებს.

აშშ-ის სახაზინო სამდივნომ გამოავლინა 1 პირი და 4 დაწესებულება, რომლებიც 2020 წლის 9 აგვისტოს არჩევნებში "თაღლითობაში" არიან მიჩნეულნი, ამასთანავე, მონაწილეობას იღებდნენ არჩევნების შემდეგ მშვიდობიანი პროტესტის დარბევაში.

"ბელორუსი ხალხი მუდმივად ცდილობს მშვიდობიანი გზით გამოიყენოს თავისი ფუნდამენტური დემოკრატიული უფლებები და სახელმწიფო განმეორებით პასუხობს ძალადობრივი ზომებით. ეს ქმედება, შეერთებული შტატებისა და ჩვენი საერთაშორისო პარტნიორების მიერ ადრე განხორციელებულ ქმედებებთან ერთად, კვლავ პასუხისმგებლობას აკისრებს პირებს და ორგანიზაციებს, რომლებიც ახორციელებენ ამ მიუღებელ ქმედებებს", — განაცხადა მდივანმა სტივენ მნუჩინმა.

აღნიშნული გადაწყვეტილების შემდეგ, დაბლოკილია ზემოთ ჩამოთვლილი პირების საკუთრებაში არსებული ქონება.