წულუკიანი: ძნელია განასხვავო, მებოიკოტეები პოლიტიკოსები არიან თუ ქუჩის საბოტაჟნიკები

23 Dec. 2020, 13:25

პოლიტიკური ბოიკოტი არის პოლიტიკური ცხოვრების ნაწილი, ჟესტი და მიუხედავად იმისა, რომ ქართულ რეალობაში ხანდახან ძნელია, განასხვავო პოლიტიკური მებოიკოტეები დღეს მართლა მებოიკოტეები და პოლიტიკოსები არიან თუ ქუჩის საბოტაჟნიკები, ასე დავარქვათ, ეს ზღვარი ჩვენ უნდა გავავლოთ დ ამაში ყველამ უნდა მივიღოთ მონაწილეობა.

ჩვენ საქმე გვაქვს ხალხთან, ვინც საკუთარ ამომრჩეველს უღალატა. ჩვენ ეს მოგვწონს თუ არ მოგვწონს, ნაციონალური მოძრაობას და მისი სხვადასხვა განყოფილებას, იქნება ეს ევროპული საქართველო, გირჩი-მირჩი, კიდევ არ ვიცი, რა ჰქვიათ, აღმაშენებელი, სამეფო პარტია ასეთი, მათ ჰყავთ ამომრჩეველი და ისინი არიან მრავლად. მათ ამ ამომრჩეველს უღალატეს და ის მანდატების ფული, უხეშად რომ ვთქვათ, რაც მათ არ აითვისეს, სწორედ ეს ერთმევათ.

თუ ისინი მანდატებს აითვისებენ, მაგრამ შემდგომ გამოაცხადებენ ბოიკოტს და არ ივლიან, რა თქმა უნდა, არ შეუწყდებათ დაფინანსება, მაგრამ ესეც არ იქნება, ჩემი აზრით, მისასალმებელი საქციელი. ამიტომ ეს ზღვარი რომ გაივლოს მკაფიოდ, ამაზე თქვენთან ერთად, ჩვენ ყველამ უნდა ვიმუშაოთ.

ბოლო ამბები:

თეა წულუკიანი წულუკიანი: ძნელია განასხვავო, მებოიკოტეები პოლიტიკოსები არიან თუ ქუჩის საბოტაჟნიკები

კომენტარები

კვირის ტოპ-5

გირჩევთ

ახლა კითხულობენ

"რუსთავი აზოტის“ გაფიცულ თანამშრომლებსა და საწარმოს შორის შეთანხმება შედგა