წინასაახალწლოდ ყველას მთავარი საფიქრალი საჩუქრების შერჩევაა, რადგან ერთდროულად გვიწევს ოჯახის წევრისთვის, მეგობრისთვის, თანამშრომლისა თუ პარტნიორისთვის შესაფერისი საჩუქრის პოვნა.

გარემოებებიდან გამომდინარე ვიღაცები, შესაძლოა, საკუთარი ან სხვების სექსუალური ცხოვრების გასამრავალფეროვნებლად ისეთი ნივთების ჩუქებაზე ფიქრობენ, რომლებსაც საქართველოში უხერხული ჩურჩულით მოიხსენიებენ ხოლმე...

ასეთი ნივთების ონლაინ მაღაზიაა კიკუც, თუმცა სხვა ყველა მოსალოდნელ პროდუქციასთან ერთად, ეს კომპანია თავის მომხმარებელს ერთი შეხედვით უჩვეულო რამესაც სთავაზობს: ჩურჩხელებს.

დიახ, როგორც აღწერაში ვკითხულობთ, უმაღლესი ხარისხის თათარითა და ნიგვზის მსხვილი ლებნებით დამზადებული 5 ცალი ჩურჩხელა 20 ლარად შეგიძლიათ შეიძინოთ.

ფოტო: Kiku / Screenshot

ალბათ, ეს შეთავაზება ყველას დააინტერესებს, ვინც უბრალოდ საახალწლოდ პირის ჩასატკბარუნებელ ნუგბარს ეძებს.

ან იქნებ მათთვისაა გათვლილი, ვისაც მეტაფორული საჩუქრები უყვარს? მაშინ, ალბათ, საახალწლოდ ამ ჩურჩხელებით ხელდამშვენებული უნდა ეწვიო პარტნიორს, როგორც სექსუალური მეკვლე.

ამავდროულად კი შეგვიძლია იმაზეც ვიფიქროთ, რომ კიტრის, ბანანისა თუ ბადრიჯნის გვერდით ჩურჩხელასაც ეთქმის თავისი სიტყვა სექსუალური ფანტაზიების სამყაროში!

ფოტო: Gifer