ქართული ოცნების დეპუტატის, სოზარ სუბარის განცხადებით, რუსი ჟურნალისტი, მაქსიმ შევჩენკო, რომელიც საქართველოში იმყოფებოდა, რუსეთის პრეზიდენტის, ვლადიმერ პუტინის ერთ-ერთი ყველაზე სერიოზული მოწინააღმდეგეა.

სუბარის თქმით, შევჩენკო თავის ყველა ბლოგსა და ინტერვიუში ამბობს, რომ საქართველო უნდა იყოს ერთიანი.

"ეს არის ადამიანი, რომელიც ამბობს ცხინვალის რეგიონი და აფხაზეთი საქართველოა, რომ 2008 წლის ომი იყო არა მარტო შეცდომა, არამედ დანაშაული პუტინის მხრიდან. მესმის, რომ მისი შეხედულება დასავლეთის მიმართ ბევრი ჩვენგანის მიმართ შეიძლება მიუღებელი იყოს, მაგრამ საქართველოს, საქართველოს ტერიტორიულ მთლიანობასთან მიმართებით მისი პოზიცია, ბოლო წლებში განსაკუთრებით არის ძალიან მკაფიო", — განაცხადა სუბარმა.

რუსი ჟურნალისტი, მაქსიმ შევჩენკო ამბობს, რომ საქართველოში ხელისუფლების მოწვევით იმყოფებოდა. თავდაპირველად, ქართულ ოცნებაში განაცხადეს, რომ არ იციან, ვინ არის მაქსიმ შევჩენკო და არც ის იციან, რა მიზნით იმყოფებოდა საქართველოში. მოგვიანებით, მმართველი გუნდის დეპუტატმა, ბექა დავითულიანმა თქვა, რომ რუსი ჟურნალისტი საქართველოში ბიზნესმოწვევით იმყოფებოდა