ქართული ოცნების დეპუტატის, ბექა დავითულიანის განცხადებით, რუსი ჟურნალისტი, მაქსიმ შევჩენკო საქართველოში ბიზნესმოწვევით იმყოფებოდა.

"მაქსიმ შევჩენკოს ჰქონდა 2009 წელს ოკუპაციის შესახებ კანონი დარღვეული, 6 წელიწადში ამ კანონდარღვევას გაუვიდა ხანდაზმულობის ვადა, შესაბამისად მას არ აქვს დღეის მდგომარეობით საქართველოს კანონმდებლობასთან პრობლემა. ის ადგილზე მოიწვია მსხვილმა ბიზნესჯგუფმა ბიზნესმოწვევით, ბიზნესაპლიკაცია შეავსო, შესაბამისად გამარტივებული წესით შემოვიდა, ამიტომ ეს შეთქმულების თეორიები ცოტა სასაცილოა", — განაცხადა დავითულიანმა.

რუსი ჟურნალისტი მაქსიმ შევჩენკო ამბობს, რომ საქართველოში ხელისუფლების მოწვევით იყო. ამის შესახებ მან საკუთარ Youtube არხზე ისაუბრა.