შინაგან საქმეთა სამინისტროს განცხადებით, ბოლო 24 საათში, რეგულაციების დარღვევის 814 ფაქტი გამოავლინეს და იზოლაციის და კარანტინის წესის დარღვევისთვის 103 პირი დააჯარიმეს. მათი ინფორმაციით, დაჯარიმებულთა შორის არიან მოქალაქეები, რომლებმაც გადაადგილების შეზღუდვა დაარღვიეს.

გარდა ამისა, უწყებაში ამბობენ, რომ პირბადის ტარების წესის დარღვევის გამო 711 პირი დააჯარიმეს. პირბადის ტარების წესის დარღვევა იწვევს ადმინისტრაციულ პასუხისმგებლობას და ასკ-ის 42(11)-ე მუხლის შესაბამისად ჯარიმას 20 ლარის ოდენობით.

იზოლაციისა და კარანტინის წესის დარღვევა კი იწვევს ადმინისტრაციულ პასუხისმგებლობას და ასკ–ის 42(10)-ე მუხლის შესაბამისად ფიზიკური პირის დაჯარიმებას 2 000 ლარით, ხოლო იურიდიული პირის — 10 000 ლარის ოდენობით. განმეორებითი ჯარიმა კი სისხლის სამართლებრივ პასუხისმგებლობას ითვალისწინებს.

გაიგეთ მეტი: